Read Buku Loyera - Chichewa Mas. 129 Bible Online

Mas. 129 - Buku Loyera - Chichewa bible

Mas. 129

¹Nyimbo yoimba pokwera ku Yerusalemu. “Adani akhala akundizunza kwambiri kuyambira unyamata wanga,” Israele anene choncho tsopano,

²“Adani akhala akundizunza kwambiri kuyambira unyamata wanga, komabe sadandipambane.

³“Pondikwapula adani anga adachita ngati kulima pamsana panga, kulima mizere yaitali.”

⁴Koma Chauta ndi wolungama, wandimasula zingwe za anthu oipa.

⁵Anthu onse odana ndi Ziyoni agonjetsedwe ndi kupirikitsidwa mwamanyazi.

⁶Akhale ngati udzu womera pa denga la nyumba, umene umafota usanakule.

⁷Woumweta sangadzaze nkumanja komwe, womanga mitolo sangamange nchitsakato chomwe.

⁸Anthu odutsapo sadzanena kwa omwetawo kuti, “Madalitso a Chauta akhale nanu.” “Tikukudalitsani potchula dzina la Chauta.”