Read Buku Loyera - Chichewa Mas. 136 Bible Online

Mas. 136 - Buku Loyera - Chichewa bible

Mas. 136

¹ hokozani Chauta chifukwa ngwabwino, pakuti chikondi chake nchamuyaya.

²Thokozani Mulungu wa milungu, pakuti chikondi chake nchamuyaya.

³Thokozani Chauta woposa ambuye onse, pakuti chikondi chake nchamuyaya.

⁴Chauta yekhayo amachita zodabwitsa zazikulu, pakuti chikondi chake nchamuyaya.

⁵Adalenga zakumwamba ndi nzeru zake, pakuti chikondi chake nchamuyaya.

⁶ Adayala dziko lapansi pa madzi, pakuti chikondi chake nchamuyaya.

⁷ Adalenga miyuni yaikulu yamumlengalenga, pakuti chikondi chake nchamuyaya.

⁸Dzuŵa kuti lizilamulira usana, pakuti chikondi chake nchamuyaya.

⁹Mwezi ndi nyenyezi kuti zizilamulira usiku, pakuti chikondi chake nchamuyaya.

¹⁰ Adapha ana achisamba a ku Ejipito, pakuti chikondi chake nchamuyaya.

¹¹ Ndipo adatulutsa Aisraele pakati pao, pakuti chikondi chake nchamuyaya.

¹²Ndi dzanja lamphamvu ndi mkono wotambalitsa, pakuti chikondi chake nchamuyaya.

¹³ Adagaŵa pakati Nyanja Yofiira, pakuti chikondi chake nchamuyaya.

¹⁴Adaolotsa Aisraele pakati pake, pakuti chikondi chake nchamuyaya.

¹⁵Koma adamiza Farao ndi ankhondo ake m'Nyanja Yofiira, pakuti chikondi chake nchamuyaya.

¹⁶Adatsogolera anthu ake m'chipululu, pakuti chikondi chake nchamuyaya.

¹⁷Adapha mafumu amphamvu, pakuti chikondi chake nchamuyaya.

¹⁸Adaphanso mafumu otchuka, pakuti chikondi chake nchamuyaya.

¹⁹ Adapha Sihoni, mfumu ya Aamori, pakuti chikondi chake nchamuyaya,

²⁰ Adapha Ogi, mfumu ya ku Basani, pakuti chikondi chake nchamuyaya.

²¹Napereka dziko la mafumuwo kuti likhale choloŵa, pakuti chikondi chake nchamuyaya.

²²Choloŵa cha Israele mtumiki wake, pakuti chikondi chake nchamuyaya.

²³Adatikumbukira pamene adani adatigonjetsa, pakuti chikondi chake nchamuyaya.

²⁴Ndipo adatipulumutsa kwa adani athu, pakuti chikondi chake nchamuyaya.

²⁵Amapatsa zamoyo zonse chakudya, pakuti chikondi chake nchamuyaya.

²⁶Thokozani Mulungu wakumwamba, pakuti chikondi chake nchamuyaya.