Read Buku Loyera - Chichewa Mas. 2 Bible Online

Mas. 2 - Buku Loyera - Chichewa bible

Mas. 2

¹ Bwanji anthu akunja akufuna kuchita chiwembu? Chifukwa chiyani anthu ameneŵa akulingalira zopandapake?

²Mafumu ao akuchita upo, olamula ao akhala pamodzi kuti apangane zoipa, zoukira Chauta ndi mfumu yake yodzozedwa.

³Akuti, “Tiyeni timasule maunyolo aoŵa, tichokeretu mu ulamuliro wao.”

⁴Chauta amene amalamulira kumwambako akungoŵaseka ndi kuŵanyoza.

⁵Tsono adzaŵadzudzula ali wokwiya adzaŵaopseza ali wokalipa.

⁶Adzati, “Ine ndakhazika kale mfumu yanga, ili pa phiri langa loyera la Ziyoni.”

⁷ Tsono mfumuyo ikuti, “Ndidzalalika zimene Chauta walengeza. Adandiwuza kuti, ‘Iwe ndiwe mwana wanga, Ine lero ndakubala.

⁸Tandipempha uwone, ndidzasandutsadi mitundu ya anthu kuti ikhale choloŵa chako, ndipo dziko lonse lapansi lidzakhala lako.

⁹ Udzaŵaphwanya ndi ndodo yachitsulo, ndi kuŵatekedza zidutswazidutswa monga mbiya.’ ”

¹⁰Nchifukwa chake tsono khalani anzeru, inu mafumu. Chenjerani inu amene muli olamula dziko lapansi.

¹¹Tumikirani Chauta mwamantha ndi monjenjemera.

¹²Mumgonjere molapa, kuwopa kuti angakukwiyireni, ndipo inu mungaonongeke, chifukwa ukali wake umayaka msanga. Ngodala onse amene amathaŵira kwa Iye.