Read Buku Loyera - Chichewa Mas. 20 Bible Online

Mas. 20 - Buku Loyera - Chichewa bible

Mas. 20

¹Kwa Woimbitsa Nyimbo. Salmo la Davide. Chauta akuthandize pa tsiku lamavuto. Mulungu wa Yakobe akuteteze.

²Akutumizire chithandizo kuchokera ku malo ake oyera, akuchirikize kuchokera ku Ziyoni.

³Alandire zopereka zako zonse, akondwere ndi nsembe zako zopsereza.

⁴Akupatse zimene mtima wako ukukhumba, akuthandize kuti zonse zimene wakonza zichitikedi.

⁵Choncho tifuule ndi chimwemwe chifukwa chakuti mwapambana pa nkhondo, tikweze mbendera kutamanda dzina la Mulungu wathu. Chauta akupatse zonse zimene wapempha.

⁶Tsopano ndikudziŵa kuti Chauta adzathandiza wodzozedwa wake. Adzamuyankha ali ku malo ake oyera kumwamba, pakumpambanitsa kwathunthu ndi dzanja lake lamanja.

⁷Ena amatamira magaleta ankhondo, ena amadalira akavalo, koma ife timatamira dzina la Chauta, Mulungu wathu, timamutama Iyeyo mopemba.

⁸Adani adzaphofomoka ndi kugwa, koma ife tidzadzuka kukhala chilili.

⁹Inu Chauta, thandizani mfumu kuti ipambane. Mutiyankhe pamene tikuitana.