Read Buku Loyera - Chichewa Mas. 24 Bible Online

Mas. 24 - Buku Loyera - Chichewa bible

Mas. 24

¹Salmo la Davide. Dziko lapansi ndi zonse zam'menemo ndi za Chauta, dziko lonse lapansi pamodzi ndi anthu onse okhalamo ndi ake.

²Pakuti iye ndi amene adaika dziko lapansi pa nyanja yaikulu, adalikhazika pa mitsinje yozama.

³Ndani angayenere kukwera phiri la Chauta?[1] Ndani angaime m'malo ake oyera?

⁴ Ndi amene amachita zabwino ndi manja ake, ndipo amaganiza zabwino mumtima mwake. Ndi amene salingalira zonama, ndipo salumbira monyenga.

⁵Adzalandira madalitso kwa Chauta, ndipo Mulungu Mpulumutsi wake adzagamula kuti alibe mlandu.

⁶Anthu otere ndiwo amene amafunitsitsa Chauta, ndiwo amene amabwera kudzapembedza Mulungu wa Yakobe.

⁷Kankhani zipata za mzinda, tsekulani zitseko zakalekalezo, kuti Mfumu yaulemerero iloŵe.

⁸Kodi Mfumu yaulemereroyo ndani? Ndi Chauta wanyonga ndi wamphamvu, Chauta ndiye ngwazi pa nkhondo.

⁹Kankhani zipata za mzinda, tsekulani zitseko zakalekalezo, kuti Mfumu yaulemerero iloŵe.

¹⁰Kodi Mfumu yaulemereroyo ndani? Ndi Chauta Wamphamvuzonse. Iyeyo ndiye Mfumu yaulemerero.