Read Buku Loyera - Chichewa Mas. 29 Bible Online

Mas. 29 - Buku Loyera - Chichewa bible

Mas. 29

¹Salmo la Davide. Tamandani Chauta, inu okhala kumwamba. Tamandani ulemerero wake ndi mphamvu zake.

²Tamandani ulemerero wa dzina la Chauta. Mumpembedze mu ulemu wa ungwiro wake.

³Liwu la Chauta likumveka pamwamba pa nyanja. Mulungu waulemerero wachita bingu, liwu lake lamveka pa nyanja yaikulu.

⁴Liwu la Chauta ndi lamphamvu, liwu la Chauta ndi laulamuliro.

⁵Liwu la Chauta limathyola mikungudza, Chauta amathyolathyoladi mikungudza ya ku Lebanoni.

⁶Amagwedeza phiri la Lebanoni kuti lizivinavina ngati likonyani, amavinitsa phiri la Sirioni ngati mwanawanjati.

⁷Liwu la Chauta likutulutsa malaŵi amoto.

⁸Liwu la Chauta likugwedeza chipululu, Chauta akugwedeza chipululu cha Kadesi.

⁹Liwu la Chauta likuzunguza miŵanga likupulula masamba a mitengo yonse m'dondo. Onse a m'nyumba mwake akufuula kuti, “Ulemererowo!”

¹⁰Chauta amalamulira nyanja zonse, amakhala kwamuyaya pa mpando wake wachifumu.

¹¹Chauta amapatsa anthu ake mphamvu. Amaŵadalitsa anthu ndi mtendere. Salmo la Davide. Nyimbo yoimba potsekula Nyumba ya Mulungu