Read Buku Loyera - Chichewa Mas. 52 Bible Online

Mas. 52 - Buku Loyera - Chichewa bible

Mas. 52

¹Kwa Woimbitsa Nyimbo. Ndakatulo ya Davide. Doegi Mwedomu anali atakauza Saulo kuti, “Davide wapita kwa Ahimeleki.” Bwanji ukunyadira ntchito zako zoipa, munthu wamphamvuwe?

²Tsiku lonse umakhalira kusinkhasinkha za kuwononga ena, lilime lako lili ngati lumo lakuthwa, ntchito yako nkunyenga.

³Umakonda zoipa kupambana zabwino, umakonda kunama kupambana kulankhula zoona.

⁴Umakonda kulankhula mau ovutitsa ena, iwe wabodzawe.

⁵Koma Mulungu adzakutswanya kosalekeza, adzakugwira ndi kukutulutsira kunja kwa nyumba yako. Adzakuzula m'dziko la anthu amoyo.

⁶Anthu ochita zachilungamo adzaona zimenezi, ndipo adzachita mantha. Adzakuseka ndi kumanena kuti,

⁷“Muwoneni munthu amene sadafune kudalira Mulungu, koma adakhulupirira chuma chake chochuluka, nalimbikira kuchita zoipa.”

⁸Koma ine ndili ngati mtengo wauŵisi wa olivi m'Nyumba ya Mulungu. Ndimaika mtima nthaŵi zonse pa chikondi chosasinthika cha Mulungu.

⁹Ndidzakuthokozani Inu Mulungu mpaka muyaya, chifukwa cha zimene mwachita. Ndidzatamanda dzina lanu pamaso pa anthu okukondani, pakuti ndinu abwino.