Read Buku Loyera - Chichewa Mas. 54 Bible Online

Mas. 54 - Buku Loyera - Chichewa bible

Mas. 54

¹Kwa Woimbitsa Nyimbo. Ndakatulo ya Davide yoimbira zipangizo zazingwe. Azifi anali atakauza Saulo kuti, “Davide wadzabisala kwathuku.” Inu Mulungu, pulumutseni ndi dzina lanu, onetsani ndi mphamvu zanu kuti ndine wosalakwa.

²Inu Mulungu, imvani pemphero langa, tcherani khutu kuti mumve mau a pakamwa panga.

³Anthu onyada andiwukira, anthu ankhalwe amafunafuna moyo wanga, iwo saganizako za Inu Mulungu.

⁴Komatu, Mulungu ndiye amandithandiza, Ambuye ndiwo amachirikiza moyo wanga.

⁵Adzaŵabwezera adani anga zoipa. Aonongeni, Inu Ambuye, chifukwa cha kukhulupirika kwanu.

⁶Ndidzapereka nsembe kwa Inu mwaufulu. Ndidzatamanda dzina lanu, Inu Chauta, popeza kuti ndinu abwino.

⁷Mwandipulumutsa m'mavuto anga onse, ndakondwa poona adani anga atagonja.