Read Buku Loyera - Chichewa Mas. 6 Bible Online

Mas. 6 - Buku Loyera - Chichewa bible

Mas. 6

¹Kwa Woimbitsa Nyimbo. Aimbire zipangizo zazingwe, zeze pamwamba. Salmo la Davide. Inu Chauta, musandikalipire ndi kundidzudzula, musapse mtima ndi kundilanga.

²Ndichitireni chifundo, Inu Chauta, chifukwa chakuti ndine wofooka. Limbitseni, Inu Chauta, chifukwa m'nkhongono mwanga mwaweyeseka.

³Mtima wanganso wazunzika kwambiri. Nanga Inu Chauta, zimenezi zidzakhala zikuchitika mpaka liti?

⁴Bwerani, Inu Chauta, mudzandilanditse. Mundipulumutse chifukwa cha chikondi chanu chosasinthika.

⁵Anthu akufa sangathe kukutamandani ku manda. M'dziko la akufa ndani angathe kukuyamikani?

⁶Ndatopa nkubuula kwambiri. Ndimanyowetsa bedi langa ndi misozi usiku uliwonse. Ndimakhathamiza pogona panga chifukwa cha kulira kwanga.

⁷Maso anga atupa chifukwa cha kulira, afooka chifukwa cha adani anga onse.

⁸ Chokani apa, inu nonse ochita zoipa, Chauta wamva kulira kwanga.

⁹Chauta wamva pemphero langa ndipo wandiyankha.

¹⁰Adani anga onse adzagonjetsedwa mwa manyazi ndipo adzagwidwa ndi mantha, modzidzimuka onse adzathaŵa motaya mtima.