Read Buku Loyera - Chichewa Mas. 64 Bible Online

Mas. 64 - Buku Loyera - Chichewa bible

Mas. 64

¹Kwa Woimbitsa Nyimbo. Salmo la Davide. Imvani mau anga, Inu Mulungu, pamene ndikukudandaulirani. Tetezani moyo wanga kwa mdani woopsa.

²Tchinjirizeni ku upo wachiwembu wa anthu oipa, tetezeni ku chiwawa cha anthu ochita zoipa.

³Iwo amanola lilime lao ngati lupanga, amaponya mau obaya ngati mivi.

⁴Amabisalira anthu osalakwa namaŵalasa modzidzimutsa ndi mopanda mantha.

⁵Amalimbikira za chiwembu chao, amakambirana zoti atche misampha yobisika, amanena kuti, “Angatiwone ndani?”

⁶Amaganizira zoipa nkumati, “Takonza mochenjera ndithu chiwembu chathu.” Malingaliro ndi zofuna za mtima wa munthu nzobisika.

⁷Koma Mulungu adzaŵaponya mivi. Motero mwadzidzidzi iwo adzalasidwa.

⁸Adzaŵaononga chifukwa cha zokamba zao, onse oŵapenya adzapukusa mitu.

⁹Pompo anthu onse adzachita mantha, adzasimba zimene Mulungu wachita, adzalingalira zomwe Mulungu wachitazo.

¹⁰Chauta adalitse anthu ake mtendere ndi chimwemwe zikhale nao, anthu akondwere chifukwa cha Chauta