Read Buku Loyera - Chichewa Mas. 67 Bible Online

Mas. 67 - Buku Loyera - Chichewa bible

Mas. 67

¹Kwa Woimbitsa Nyimbo. Salmo loimbira zipangizo zazingwe. Nyimbo. Inu Mulungu mutikomere mtima ndi kutidalitsa, mutiwunikire ndi chikondi chanu,

²Njira yanu idziŵike pa dziko lonse lapansi, chipulumutso chanu chidziŵike pakati pa mitundu yonse.

³Mitundu ya anthu ikutamandeni Inu Mulungu, mitundu yonse ya anthu ikuyamikeni.

⁴Mitundu ya anthu isangalale ndi kuimba ndi chimwemwe, chifukwa Inu mumaweruza anthu mwachilungamo, ndi kuŵatsogolera pa dziko lapansi.

⁵Mitundu yonse ya anthu ikutamandeni Inu Mulungu, mitundu yonse ya anthu ikuyamikeni.

⁶Nthaka yabereka zipatso zake, Mulungu, Mulungu wathu watidalitsa.

⁷Inde, Mulungu watidalitsa, anthu onse a ku mathero a dziko lapansi apembedze Iye.