Read Buku Loyera - Chichewa Mas. 75 Bible Online

Mas. 75 - Buku Loyera - Chichewa bible

Mas. 75

¹Kwa Woimbitsa Nyimbo. Kutsata maimbidwe a nyimbo yoti: Musaononge. Salmo la Asafu. Tikukuthokozani Inu Mulungu, ndithu tikukuthokozani. Tikutchula dzina lanu mopemphera ndipo tikulalika ntchito zanu zodabwitsa.

²Inu mukuti, “Pa nthaŵi imene ndiisankhule, ndidzaweruza mwachilungamo.

³Pamene dziko lapansi likugwedezeka pamodzi ndi zonse zokhalamo, ndine amene ndimachirikiza mizati yake.”

⁴Ndimauza anthu odzitama kuti, “Musadzitame,” ndiponso anthu oipa kuti, “Musadzitukumule chifukwa cha mphamvu zanu.

⁵Musadzikuze chifukwa cha mphamvu zanu, kapena kumalankhula zamwano.”

⁶Kugamula milandu sikuchokeratu kuvuma kapena kuzambwe, ndiponso sikuchokera ku chipululu.

⁷Koma ndi Mulungu yekha amene amagamula milandu, amatsitsa wina, nakweza wina.

⁸M'manja mwa Chauta mulitu chikho cha vinyo wofanizira chilango chake, vinyo wotutuma ndi wothirako dzoŵaŵa. Adzatsanyula vinyoyo, ndipo oipa onse a pa dziko lapansi adzamwa, nadzagugudiza mpaka ndungundungu zake.

⁹Koma ine sindidzaleka kukondwera, ndidzaimba nyimbo zotamanda Mulungu wa Yakobe mpaka muyaya.

¹⁰Iye adzaphwanya mphamvu za anthu onse oipa, koma adzaonjezera mphamvu za anthu okhulupirira.