Read Buku Loyera - Chichewa Yes. 12 Bible Online

Yes. 12 - Buku Loyera - Chichewa bible

Yes. 12

¹Tsiku limenelo aliyense mwa inu adzati: “Ndikukuthokozani Inu Chauta, pakuti ngakhale mudaandipsera mtima, mkwiyo wanu udaleka, ndipo mwandilimbitsa mtima.

²“Zoonadi, Mulungu ndiye Mpulumutsi wanga, ndidzamkhulupirira Iye, ndipo sindidzaopa. Pakuti Chauta ndiye mphamvu zondilimbitsa, ndiye amene ndimamuimbira, ndiye Mpulumutsi wanga.”

³Mudzakondwera pokatunga madzi m'zitsime za chipulumutso.

⁴Tsiku limenelo mudzati: “Thokozani Chauta, tamandani dzina lake. Mulengeze ntchito zake pakati pa mitundu ya anthu, mulalike kuti dzina lake ndi lopambana.

⁵“Imbirani Chauta nyimbo zotamanda, pakuti wachita zazikulu. Zimenezi zidziŵike pa dziko lonse lapansi.

⁶Fuulani ndi kuimba mokondwa, inu anthu a ku Ziyoni, pakuti Woyera Uja wa Israele ndi wamkulu pakati panu.”