Read Buku Loyera - Chichewa Ezek. 15 Bible Online

Ezek. 15 - Buku Loyera - Chichewa bible

Ezek. 15

¹Chauta adandipatsira uthenga uwu wakuti,

²“Iwe mwana wa munthu, kodi mtengo wamphesa umapambana bwanji wina uliwonse? Nthambi zake zimapambana bwanji nthambi za mitengo ina yakunkhalango?

³Kodi mtengo umene uja nkupangira chiyani? Kodi anthu angathe kupangira chokolekapo zinthu zao?

⁴Ha! Paja ndi nkhuni zosonkhera moto. Tsono moto utapsereza nsonga zake za mtengowo pamodzi ndi mphindikati yake, kodi nkugwira nawonso ntchito ina iliyonse?

⁵Ngakhale usanapse, sikukadatheka kugwira nawo ntchito. Nanga nanji utapserera ndi moto, adzaugwiritsa ntchito bwanji?

⁶“Nchifukwa chake zimene ndikunena Ine Ambuye Chauta ndi izi: Mtengo wamphesa ndidzauponya m'moto monga momwe ndimachitira mitengo ina yakunkhalango. Momwemonso ndi m'mene ndidzaŵachitire anthu a ku Yerusalemu,

⁷ndidzaŵalanga. Ngakhale athaŵe moto, motowo udzaŵatenthabe. Motero mudzadziŵa kuti Ine ndine Chauta, ndikadzaŵalanga.

⁸Ndipo dziko laolo ndidzalisandutsa chipululu, chifukwa chakuti iwowo sadakhulupirike. Ndikutero Ine Ambuye Chauta.”