Read Buku Loyera - Chichewa Num. 33 Bible Online

Num. 33 - Buku Loyera - Chichewa bible

Num. 33

¹Pamene Aisraele adatuluka m'dziko la Ejipito m'magulu a mafuko ao, Mose ndi Aroni akuŵatsogolera,

²Mose adalemba maina a malo onse oyambira ulendo ndi chigono chilichonse, monga Chauta adamlamula. Zigono zake potsata malo oyambira ulendo wao zinali motere:

³Adanyamuka ku Ramsesi pa mwezi woyamba, pa tsiku la 15 la mweziwo. M'maŵa mwake, litapita tsiku la Paska, Aisraele adatuluka m'dziko la Ejipito mokondwa, anthu onse a ku Ejipito akupenya.

⁴M'menemo nkuti Aejipitowo akuika maliro a ana ao achisamba amene Chauta adaaŵapha pakati pao. Choncho Chauta adalipsira milungu ya Aejipito.

⁵Pambuyo pake Aisraele adanyamuka ku Ramsesi nakamanga mahema ku Sukoti.

⁶Adanyamuka ku Sukoti nakamanga mahema ku Etamu, mzinda umene uli m'mbali mwa chipululu.

⁷Adanyamuka ku Etamu, nabwerera ku Pihahiroti, mzinda umene uli kuvuma kwa Baala-Zefoni. Ndipo adamanga mahema patsogolo pa Migidoli.

⁸Adanyamuka ku Pihahiroti naoloka pakatimpakati pa nyanja, ndipo adaloŵa m'chipululu. Tsono adayenda ulendo wa masiku atatu m'chipululu cha Etamu, nakamanga mahema ku Mara.

⁹Adanyamuka ku Mara nakafika ku Elimu. Ku Elimuko kunali akasupe khumi ndi aŵiri ndi mitengo ya migwalangwa makumi asanu ndi aŵiri, ndipo adamanga mahema ao kumeneko.

¹⁰Adanyamuka ku Elimu, nakamanga mahema ao m'mbali mwa Nyanja Yofiira.

¹¹Adanyamuka ku Nyanja Yofiira, nakamanga mahema ao ku chipululu cha Sini.

¹²Adanyamuka ku chipululu cha Sini, nakamanga mahema ao ku Dofika.

¹³Adanyamuka ku Dofika, nakamanga mahema ao ku Alusi.

¹⁴Adanyamuka ku Alusi, nakamanga mahema ao ku Refidimu kumene kunalibe madzi akumwa.

¹⁵Adanyamuka ku Refidimu, nakamanga mahema ao ku chipululu cha Sinai.

¹⁶Adanyamuka ku chipululu cha Sinai, nakamanga mahema ao ku Kibroti-Hatava.

¹⁷Adanyamuka ku Kibroti-Hatava, nakamanga mahema ao ku Haseroti.

¹⁸Adanyamuka ku Hazeroti, nakamanga mahema ao ku Ritima.

¹⁹Adanyamuka ku Ritima, nakamanga mahema ao ku Rimoni-Perezi.

²⁰Adanyamuka ku Rimoni-Perezi, nakamanga mahema ao ku Libina.

²¹Adanyamuka ku Libina, nakamanga mahema ao ku Risa.

²²Adanyamuka ku Risa, nakamanga mahema ao ku Kehelata.

²³Adanyamuka ku Kehelata, nakamanga mahema ao ku phiri la Sefera.

²⁴Adanyamuka ku phiri la Sefera, nakamanga mahema ao ku Harada.

²⁵Adanyamuka ku Harada, nakamanga mahema ao ku Makeloti.

²⁶Adanyamuka ku Makeloti, nakamanga mahema ao ku Tahati.

²⁷Adanyamuka ku Tahati, nakamanga mahema ao ku Tera.

²⁸Adanyamuka ku Tera, nakamanga mahema ao ku Mitika.

²⁹Adanyamuka ku Mitika, nakamanga mahema ao ku Hasimona.

³⁰Adanyamuka ku Hasimona, nakamanga mahema ao ku Meseroti.

³¹Adanyamuka ku Meseroti, nakamanga mahema ao ku Beneyakana.

³²Adanyamuka ku Beneyakana, nakamanga mahema ao ku Horo-Hagidigadi.

³³Adanyamuka ku Horo-Hagidigadi, nakamanga mahema ao ku Yotibata.

³⁴Adanyamuka ku Yotibata, nakamanga mahema ao ku Aborona.

³⁵Adanyamuka ku Aborona, nakamanga mahema ao ku Eziyoni-Gebere.

³⁶Adanyamuka ku Eziyoni-Gebere, nakamanga mahema ao m'chipululu cha Zini (ndiye kuti Kadesi).

³⁷Adanyamuka ku Kadesi, nakamanga mahema ao ku phiri la Hori m'mbali mwa dziko la Edomu.

³⁸ Chauta atamlamula, wansembe Aroni adakwera phiri la Hori nakafera komweko, chaka cha 40 Aisraele atatuluka m'dziko la Ejipito, pa tsiku loyamba la mwezi wachisanu.

³⁹Aroniyo anali wa zaka 123 za kubadwa, pamene adamwalira pa phiri la Hori.

⁴⁰ Mfumu ya ku Aradi, Mkanani amene ankakhala m'dziko la Kanani, adamva kuti Aisraele akubwera.

⁴¹Pambuyo pake iwo adanyamuka ku phiri la Hori, nakamanga mahema ao ku Zalimona.

⁴²Adanyamuka ku Zalimona, nakamanga mahema ao ku Punoni.

⁴³Adanyamuka ku Punoni, nakamanga mahema ao ku Oboti.

⁴⁴Adanyamuka ku Oboti, nakamanga mahema ao ku Iyeabarimu, m'dziko la Mowabu.

⁴⁵Adanyamuka ku Iyimu, nakamanga mahema ao ku Dibonigadi.

⁴⁶Adanyamuka ku Dibonigadi, nakamanga mahema ao ku Alimoni-dibulataimu.

⁴⁷Adanyamuka ku Alimoni-dibulataimu, nakamanga mahema ao ku mapiri a Abarimu patsogolo pa Nebo.

⁴⁸Adanyamuka ku mapiri a Abarimu, nakamanga mahema ao ku zigwa za ku Mowabu, pafupi ndi mtsinje wa Yordani ku Yeriko.

⁴⁹Adamanga mahema ao pafupi ndi mtsinje wa Yordani kuyambira ku Beteyesimoti mpaka ku Abele-Sitimu, m'zigwa za Mowabu.

⁵⁰Chauta adauza Mose m'zigwa za Mowabu pafupi ndi mtsinje wa Yordani, kuti,

⁵¹“Uza Aisraele kuti, Pamene muwoloka mtsinje wa Yordani kuti muloŵe m'dziko la Kanani,

⁵²mudzapirikitse nzika zonse za m'dzikomo pamene mukufika, ndipo mudzaononge miyala yao yozokota ndi kuwononganso mafano ao osungunula. Mudzasakaze akachisi ao onse ku mapiri.

⁵³Mudzalande dzikolo kuti likhale lanu, ndipo mudzakhale m'menemo, poti ndakupatsani kuti likhale lanu.

⁵⁴ Mudzalandira dzikolo kuti likhale choloŵa chanu mwamaere, potsata mabanja anu. Fuko lalikulu lilandire choloŵa chachikulu, ndipo fuko laling'ono lilandire choloŵa chaching'ono. Dziko lililonse limene maere agwere munthu, likhale lake la munthuyo. Mudzalandire choloŵa chanu potsata mafuko a makolo anu.

⁵⁵Koma mukapanda kupirikitsa nzika zam'dzikomo pamene mukufika, amene mwaŵalola kuti atsalirewo adzakhala ngati zisonga zokubayani m'maso, ndiponso ngati minga m'mbali mwanu, ndipo adzakuvutani m'dziko m'mene mukakhalemo.

⁵⁶Tsono ndidzakuchitani inuyo zimene ndinkaganiza kuti ndiŵachite iwowo.”