Read Buku Loyera - Chichewa Mt. 1 Bible Online

Mt. 1 - Buku Loyera - Chichewa bible

Mt. 1

¹Yesu[1] Khristu,[2] makolo ake anali Davide ndi Abrahamu. Motsatanatsatana maina a makolo ake onse ndi aŵa:

²Abrahamu adabereka Isaki, Isaki adabereka Yakobe, Yakobe adabereka Yuda ndi abale ake.

³Yuda adabereka Perezi ndi Zera, mwa Tamara; Perezi adabereka Hezironi, Hezironi adabereka Ramu.

⁴Ramu adabereka Aminadabu, Aminadabu adabereka Nasoni, Nasoni adabereka Salimoni.

⁵Salimoni adabereka Bowazi mwa Rahabu, Bowazi adabereka Obede mwa Rute, Obede adabereka Yese,

⁶Yese adabereka mfumu Davide. Davide adabereka Solomoni, mwa amene poyamba adaali mkazi wa Uriya.

⁷Solomoni adabereka Rehobowamu, Rehobowamu adabereka Abiya, Abiya adabereka Asa.

⁸Asa adabereka Yehosafati, Yehosafati adabereka Yoramu, Yoramu adabereka Uziya.

⁹Uziya adabereka Yotamu, Yotamu adabereka Ahazi, Ahazi adabereka Hezekiya.

¹⁰Hezekiya adabereka Manase, Manase adabereka Amoni, Amoni adabereka Yosiya.

¹¹Yosiya adabereka Yekoniya ndi abale ake, pa nthaŵi imene Aisraele adaatengedwa ukapolo kupita ku Babiloni.

¹²Aisraele atatengedwa ukapolo kupita ku Babiloni, Yekoniya adabereka Salatiele, Salatiele adabereka Zerubabele.

¹³Zerubabele adabereka Abihudi, Abihudi adabereka Eliyakimu, Eliyakimu adabereka Azoro.

¹⁴Azoro adabereka Zadoki, Zadoki adabereka Akimu, Akimu adabereka Eliudi.

¹⁵Eliudi adabereka Eleazara, Eleazara adabereka Matani, Matani adabereka Yakobe.

¹⁶Yakobe adabereka Yosefe, mwamuna wa Maria. Mariayu adabala Yesu, wotchedwa Khristu.

¹⁷Choncho panali mibadwo khumi ndi inai kuyambira pa Abrahamu mpaka pa mfumu Davide, mibadwo khumi ndi inai kuyambira pa Davideyo mpaka pa nthaŵi imene Aisraele adaatengedwa ukapolo kupita ku Babiloni, ndiponso mibadwo khumi ndi inai kuyambira pa nthaŵi yotengedwa ukapolo kupita ku Babiloni mpaka pa nthaŵi ya Khristu, Mpulumutsi wolonjezedwa uja.

¹⁸Kubadwa kwa Yesu Khristu kudaatere: amai ake Maria adaafunsidwa mbeta ndi Yosefe; koma asanaloŵane, Maria adaapezeka kuti ali ndi pathupi mwa mphamvu za Mzimu Woyera.

¹⁹Mwamuna wake Yosefe anali munthu wokonda chilungamo, komabe sadafune kumchititsa manyazi poyera. Nchifukwa chake adaganiza za kungothetsa mbeta ija osachitapo mlandu.

²⁰Akulingalira zimenezi, mngelo wa Ambuye adamuwonekera m'maloto, namuuza kuti, “Yosefe, mwana wa Davide, usaope kumtenga Maria, mkazi wakoyu. Pathupi ali napopa padachitika ndi mphamvu za Mzimu Woyera.

²¹Adzabala mwana wamwamuna, ndipo udzamutcha dzina lake Yesu, chifukwa adzapulumutsa anthu ake ku machimo ao.”

²²Zonsezi zidaatero kuti zipherezere zimene Ambuye adaalankhulitsa mneneri kuti,

²³“Namwali wina wosadziŵa mwamuna adzatenga pathupi nkubala mwana wamwamuna. Mwanayo adzatchedwa dzina loti Imanuele,” ndiye kuti “Mulungu ali nafe.”

²⁴Tsono Yosefe atadzuka, adachita monga momwe mngelo wa Ambuye uja adaamuuzira. Adamtenga Maria, mkazi wake uja,

²⁵koma sadamdziŵe mpaka adabala mwana wamwamuna. Pambuyo pake Yosefe adatcha mwanayo dzina loti Yesu.