Read Buku Loyera - Chichewa Yos. 12 Bible Online

Yos. 12 - Buku Loyera - Chichewa bible

Yos. 12

¹ Aisraele anali atagonjetsa dziko lonse la kuvuma kwa Yordani, kuyambira ku chigwa cha Arinoni m'chigwa cha Yordani, mpaka kumpoto ku phiri la Heremoni ndi dera lonse la kuvuma kwa Araba, ndipo adakhazikika pa dziko lonselo. Mafumu amene adaŵagonjetsawo ndi aŵa,

²Sihoni mfumu ya Aamori amene ankakhala ku Hesiboni. Iyeyu ankalamulira kuyambira ku Aroere, mzinda umene uli pafupi ndi mtsinje wa Arinoni, mpaka ku mtsinje wa Yaboki ku malire a dziko la Aamoni, ndiponso kuphatikizapo theka la dera la Giliyadi.

³Dzikolo lidaphatikizaponso chigwa cha Yordani, kuyambira kumwera kwa nyanja ya Galilea, kumapita cha ku Beteyesimoti, mzinda umene uli pafupi pa Nyanja Yakufa, mpaka kumwera ndithu, patsinde pa phiri la Pisiga.

⁴Aisraele adagonjetsanso Ogi, mfumu ya ku Basani, amene anali mmodzi mwa otsala a Arefaimu. Iyeyu ankakhala ku Asitaroti ndi ku Ederei.

⁵Ufumu wake unkafika mpaka ku phiri la Heremoni ndi ku Saleka, ndi ku Basani yense, mpaka ku malire a Agesuri ndi a Amakati. Ufumuwo unkaphatikizanso theka la Giliyadi, kufikira ku dziko la Sihoni mfumu ya Hesiboni.

⁶ Mose pamodzi ndi Aisraele adaaŵagonjetsa onsewo, ndipo Mose mtumiki wa Chauta adaapereka maiko aoŵa kwa fuko la Rubeni ndi la Gadi, ndiponso kwa theka la fuko la Manase, kuti akhale choloŵa chao.

⁷Yoswa ndi Aisraele anali atagonjetsa mafumu onse okhala m'dziko la kuzambwe kwa Yordani, kuyambira ku Bala-Gadi m'chigwa cha Lebanoni, mpaka ku phiri la Halaki, kumapita cha ku Seiri. Yoswa adagaŵira mafuko a Aisraele dziko limenelo, kuti likhale choloŵa chao.

⁸Dziko limenelo lidaali lamapiri, lachipululu, ndiponso dziko louma lakumwera. M'dziko limeneli ndimo m'mene munkakhala Ahiti, Aamori, Akanani, Aperizi, Ahivi ndi Ayebusi.

⁹Mafumu amene adagonjetsedwawo ndi aŵa: mafumu a ku Yeriko, Ai pafupi ndi Betele,

¹⁰Yerusalemu, Hebroni,

¹¹Yaramuti, Lakisi,

¹²Egiloni, Gazere,

¹³Debiri, Gederi,

¹⁴Horoma, Aradi,

¹⁵Libina, Adulamu,

¹⁶Makeda, Betele,

¹⁷Tapuwa, Hefere,

¹⁸Afeki, Lasaroni,

¹⁹Madoni, Hazori,

²⁰Simironi-Meroni, Akisafu,

²¹Tanaki, Megido,

²²Kedesi, Yokoneamu (m'Karimele),

²³Dori (m'mbali mwa nyanja), Goimu (m'Galilea),

²⁴ndi Tiriza. Mafumu onse analipo 31.