Read Buku Loyera - Chichewa Yos. 15 Bible Online

Yos. 15 - Buku Loyera - Chichewa bible

Yos. 15

¹Mabanja onse a fuko la Yuda adalandira chigawo cha dzikolo motero: dziko lao lidalekeza ku malire a Edomu, mpaka ku chipululu cha Zini, kumwera kwenikweni.

²Malire ake akumwera adayambira kumwera kwenikweni kwa Nyanja Yakufa,

³napita cha kumwera kokhakokha kuyambira ku chikweza cha ku Akarabimu, nkudzera pa mpata wa mapiri a ku Zini. Kuchokera kumeneko, adabzola cha kumwera kwa Kadesi-Baranea, kupitirira Hezironi mpaka ku Adara, ndi kutembenukira ku Karaka.

⁴Adapitirira mpaka ku Azimoni, natsata mtsinje wa m'malire a Ejipito mpaka ku nyanja. Ameneŵa ndiwo malire akumwera.

⁵Malire akuvuma anali Nyanja Yakufa mpaka kumene Yordani amathira m'Nyanja Yakufa. Tsono malire akumpoto adayambira kunyanjako,

⁶napitirira mpaka ku Betehogila, nakafika kumpoto kwa Betaraba. Adapitirira mpaka kukafika ku Mwala wa Bohani, mwana wa Rubeni.

⁷Ndipo malirewo adachokeranso ku chigwa cha Mavuto mpaka ku Debiri, mpakanso kumpoto kuloŵera ku Giligala, kuyang'anana ndi chikweza cha Adumimupasi cha ku mbali yakumwera ya chigwa. Tsono adapitiriranso ku akasupe a Enisemesi, natulukira ku Enirogele.

⁸Ndipo adakwera kubzola chigwa cha mwana wa Hinomu cha mbali ya kumwera kwa Ayebusi, (ndiye kuti ku Yerusalemu). Malirewo adapitirira kukafika pamwamba pa phiri moyang'anana ndi chigwa cha Hinomu chakuzambwe, ku mathero akumpoto a chigwa cha Refaimu.

⁹Tsono adachokeranso pamwamba pa phiri, nakafika mpaka ku akasupe a Nepitowa, nadzatulukira ku mizinda ya ku phiri la Efuroni. Kuchoka uko nkutsikira ku Baala, (ndiye kuti Kariyati-Yearimu),

¹⁰kumene adazungulira cha kuzambwe kwa Baala, kuloza ku dziko lamapiri la Seiri. Adapitirira cha kumpoto kutsata phiri la Yearimu, (ndiye kuti Kesaloni), natsikira ku Betesemesi mpaka kubzola Timna.

¹¹Tsono malirewo adatulukira ku matsitso a phiri cha kumpoto kwa Ekeroni. Adakhotera ku Sikeroni, kubzola phiri la Baala, mpaka kukafika ku Yabinele. Malire amenewo adakathera ku nyanja.

¹²Kuzambwe malire anali gombe la Nyanja Yaikulu yomwe. Ameneŵa ndiwo malire amene adazungulira maiko opatsidwa kwa fuko la Yuda.

¹³ Monga momwe Chauta adalamulira Yoswa, gawo lina la dziko la fuko la Yuda lidapatsidwa kwa Kalebe mwana wa Yefune. Yoswa adampatsa Kiriyati-Ariba ndiye kuti Hebroni. (Araba anali bambo wa Anaki).

¹⁴Kalebe adapirikitsa mafuko atatu a Anaki m'dzikomo, maina ao ndi aŵa: Sesai, Ahimani ndi Talimai.

¹⁵Kuchokera kumeneko adapita kukalimbana ndi anthu a ku Debiri. Mzinda umenewu kale unkatchedwa Kiriyati-Sefere.

¹⁶Tsono Kalebe adati, “Mkulu wa ankhondo amene athire nkhondo mzinda wa Kiriyati-Sefere, naulanda, ndidzampatsa mwana wanga Akisa kuti akhale mkazi wake.”

¹⁷Mbale wake wa Kalebe, Otiniyele, mwana wa Kenazi, adaulanda mzindawo. Choncho Kalebe adampatsa mwana wake Akisa kuti akhale mkazi wake.

¹⁸Tsiku lina, Akisayo atafika, Otiniyele adaumiriza mkazi wakeyo kuti apemphe munda kwa Kalebe bambo wake. Tsono Akisa atatsika pa bulu wake, Kalebe adamufunsa kuti, “Kodi ukufuna kanthu?”

¹⁹Iye adayankha kuti, “Ndimati mundipatseko mphatso. Popeza kuti mwandikhazika m'dziko la Negebu lopanda madzi, mundipatsenso akasupe a madzi.” Choncho Kalebe adampatsa akasupe akumtunda ndi akuchigwa omwe.

²⁰Ili ndilo dziko limene mabanja a fuko la Yuda adalandira ngati choloŵa chao.

²¹Mizinda ya kumwera kwenikweni imene iwo adalandira yoyandikana ndi dziko la Edomu, inali iyi: Kabizeele, Edere, Yaguru,

²²Kina, Dimona, Adada,

²³Kedesi, Hazori, Itinani,

²⁴Zifi, Telemu, Bealoti,

²⁵Hazori-Hadata, Keriyoti-Hezironi, (ndiye kuti Hazori),

²⁶Amama, Sema, Molada,

²⁷Hazaragada, Hesimoni, Betepeleti,

²⁸Hazara-Suwala, Beereseba, Biziyotiya,

²⁹Baala, Iyimu, Ezemu,

³⁰Elitoladi, Kesili, Horoma,

³¹Zikilagi, Madimana, Sanisana,

³²Lebaoti, Silihimu, Aini ndi Rimoni. Yonse inalipo mizinda 29, pamodzi ndi midzi yake yozungulira yomwe.

³³Mizinda yakuchigwa inali iyi: Esitaoli, Zora, Asina,

³⁴Zanowa, Enganimu, Tapuwa, Enamu,

³⁵Taramuti, Adulamu, Soko, Azeka,

³⁶Saraimu, Aditaimu, Gedera ndi Gederotaimu. Yonse inalipo mizinda 14, pamodzi ndi midzi yake yozungulira.

³⁷Panalinso Zenani, Hadasa, Megidali-Gadi,

³⁸Dileani, Mizipa, Yokotele,

³⁹Lakisi, Bozikati, Egiloni,

⁴⁰Kaboni, Lahamasi, Kitilisi,

⁴¹Gederoti, Betedagoni, Naama ndiponso Makeda. Yonse inali mizinda 16, pamodzi ndi midzi yake yozungulira.

⁴²Panalinso Libina, Eteri, Asani,

⁴³Ifuta, Asana, Nezibu,

⁴⁴Keila, Akizibu ndi Maresa. Yonse inali mizinda isanu ndi inai, pamodzi ndi midzi yake yozungulira.

⁴⁵Panalinso Ekeroni ndi midzi yake.

⁴⁶Yonse imene inali m'mbali mwa Nyanja Yaikulu, kuchokera ku Ekeroni mpaka ku Asidodi.

⁴⁷Adalandiranso mizinda yaikulu ya Asidodi ndi Gaza, pamodzi ndi midzi yake yozungulira. Malire ake adafika ku mtsinje wa ku Ejipito, ndipo mpaka ku Nyanja Yaikulu.

⁴⁸Ku dziko lakumapiri kunali Samiri, Yatiri, Soko,

⁴⁹Dana, Kiriyati-Sana, (ndiye kuti Debiri),

⁵⁰Anabu, Esitemowa, Animu,

⁵¹Goseni, Holoni ndi Gilo. Yonse inalipo 11, pamodzi ndi midzi yake yozungulira.

⁵²Panalinso Arabu, Duma, Esani,

⁵³Yanimu, Betetapuwa, Afeka,

⁵⁴Humata, Kiriyati-Ariba (ndiye kuti Hebroni), ndi Aziyori. Yonse inalipo isanu ndi inai, pamodzi ndi midzi yake yozungulira.

⁵⁵Panalinso Maoni, Karimele, Zifi, Yuta,

⁵⁶Yezireele, Yokodeamu, Zanowa,

⁵⁷Kaini, Gibea ndi Timna. Yonse inalipo mizinda khumi, pamodzi ndi midzi yake yozungulira.

⁵⁸Panalinso Halahulu, Betezuri, Gedori,

⁵⁹Maarati, Betanoti ndi Elitekoni. Yonse inalipo mizinda isanu ndi umodzi, kuphatikizapo midzi yake yozungulira.

⁶⁰Panalinso Kiriyati-Baala (ndiye kuti Kiriyati-Yearimu) ndi Raba. Yonse inalipo mizinda iŵiri, pamodzi ndi midzi yake yozungulira.

⁶¹Mizinda yam'chipululu inali Betaraba, Midini, Sekaka,

⁶²Nibisani, mzinda wa Mchere ndi Engedi. Yonse inalipo mizinda isanu ndi umodzi, pamodzi ndi midzi yake yozungulira.

⁶³ Koma anthu a fuko la Yuda sadathe kupirikitsa Ayebusi amene ankakhala ku Yerusalemu. Ndipo mpaka pano Ayebusiwo amakhalabe mu Yerusalemu, pamodzi ndi anthu a fuko la Yuda.