Read Buku Loyera - Chichewa Yos. 19 Bible Online

Yos. 19 - Buku Loyera - Chichewa bible

Yos. 19

¹Mabanja a Simeoni adalandiranso gawo lao, Yoswa atachita maere kachiŵiri. Dziko lake linali m'kati mwenimweni mwa dziko la mabanja a Yuda.

² Ndipo lidaphatikiza Beereseba, Molada,

³Hazara-Suwala, Bala, Ezemu,

⁴Elitoladi, Betuli, Horoma,

⁵Zikilagi, Betemari-Kaboti, Hazarasusa,

⁶Betelebaoti ndiponso Saruheni. Yonse inalipo mizinda 13, pamodzi ndi midzi yake.

⁷Panalinso Aini, Rimoni, Eteri ndi Asani. Yonse inalipo mizinda inai, pamodzi ndi midzi yake.

⁸Imeneyi idaphatikizapo midzi yozungulira mizindayo, mpaka kukafika ku Baala-Tibere, ndiye kuti Rama wakumwera. Dziko limeneli ndi limene mabanja a fuko la Simeoni adalandira kukhala choloŵa chao.

⁹Gawo la Simeoni lidatapidwa ku gawo la Yuda, popeza kuti gawo la Yuda lidaali lalikulu kwambiri. Choncho choloŵa cha Simeoni chidatapidwa pa choloŵa cha Yuda.

¹⁰Mabanja a fuko la Zebuloni adalandira dziko lao, Yoswa atachita maere kachitatu. Dziko limene adalandiralo lidakafika mpaka ku Saridi.

¹¹Tsono malirewo adakwera naloŵa kuzambwe ku Mareyala, nakafika ku Debeseti ndi ku mtsinje wa kuvuma kwa Yokoneamu.

¹²Pa mbali ina ya Saridi adapita chakuvuma ku malire a Kisiloti-Tabori, mpaka ku Debarati, nakafika ku Yafiya.

¹³Kuchokera kumeneko, adabzola naloŵa chakuvuma kumapita ku Gatihefere ndi ku Etikazini, kuloŵa ku Neya njira yaku Rimoni.

¹⁴Kumpoto malire amenewo adapita molunjika ku Hanatoni, nakathera ku chigwa cha Ifutahele.

¹⁵Adaphatikizapo Katati, Nahalala, Simironi, Idala ndi Betelehemu. Yonse inalipo mizinda 12, pamodzi ndi midzi yake.

¹⁶Mizinda imeneyi pamodzi ndi midzi yake inali m'dziko limene mabanja a fuko la Zebuloni adalandira ngati choloŵa chao.

¹⁷Mabanja a fuko la Isakara adalandira dziko lao, Yoswa atachita maere kachinai.

¹⁸Gawo lao lidaphatikiza Yezireele, Kesuloti, Sunemu,

¹⁹Hafaraimu, Siyoni, Anaharati,

²⁰Rabiti, Kisiyoni, Ebezi,

²¹Remeti, Enganimu, Enihada ndi Betepazezi.

²²Malire amenewo adakafikanso ku Tabori, Sahazuma ndi ku Betesemesi, ndi kutsikira ku Yordani. Lidaphatikiza mizinda 16 pamodzi ndi midzi yake.

²³Mizinda imeneyi, pamodzi ndi midzi yakeyo, inali m'dziko limene mabanja a fuko la Isakara adalandira ngati choloŵa chao.

²⁴Mabanja a fuko la Asere adalandira dziko lao, Yoswa atachita maere kachisanu.

²⁵Gawo lake lidaphatikiza Helekati, Hali, Beteni, Akisafu,

²⁶Alamumeleki, Amada ndi Misala. Kuzambwe malire adakafika ku Karimele ndi ku Sihori-Libinati.

²⁷Adakhotera kuvuma naloŵera ku Betedagoni, nkukafika ku dziko la Zebuloni ndi ku chigwa cha Ifitaele pa njira yakumpoto, kumapita ku Betemeke ndi ku Neiyeli. Adabzola kupita kumpoto mpaka kukafika ku Kabulu,

²⁸Ebroni, Rehobu, Hamoni ndi Kana, mpaka ku Sidoni wamkulu.

²⁹Tsono malirewo adakhotera ku Rama, nakafika mpaka ku Tiro, mzinda wozingidwa ndi linga. Pamenepo adakhoteranso ku Hosa, nkukatulukira ku nyanja, m'dera la Akizibu,

³⁰Uma, Afeki ndi Rehobu. Yonse pamodzi inalipo mizinda 22, pamodzi ndi midzi yake.

³¹Mizinda imeneyi, pamodzi ndi midzi yakeyo, inali m'dziko limene mabanja a fuko la Asere adalandira ngati choloŵa chao.

³²Mabanja a fuko la Nafutali adalandira dziko lao, Yoswa atachita maere kachisanu ndi chimodzi.

³³Malire ake adayambira ku Helefe kuchokera ku mtengo wogudira wa ku Zaananimu. Adachokeranso ku Adami-Nekebu ndi ku Yabinele mpaka ku Lakumu, nakathera ku Yordani.

³⁴Ndipo malirewo adakhotera kuzambwe ku Azinoti-Tabori. Kuchoka kumeneko adaloŵera ku Hukoko, nakafika ku dziko la Zebuloni chakumwera, ndi ku dziko la Asere chakuzambwe, ndi ku mtsinje wa Yordani chakuvuma.

³⁵Mizinda yamalinga inali iyi: Zidumu, Zeri, Hamati, Rakati, Kinereti,

³⁶Adama, Rama, Hazori,

³⁷Kedesi, Ederei, Enihazori,

³⁸Yironi, Migidalele, Horemu, Betanati, ndi Betesemesi. Yonse inalipo mizinda 19, pamodzi ndi midzi yake.

³⁹Mizinda imeneyi pamodzi ndi midzi yakeyo, inali m'dziko limene mabanja a fuko la Nafutali adalandira ngati choloŵa chao.

⁴⁰Mabanja a fuko la Dani adalandira dziko lao, Yoswa atachita maere kachisanu ndi chiŵiri.

⁴¹Dziko laolo lidaphatikiza Zola, Esitaoli, Irisemesi,

⁴²Saalabimu, Ayaloni, Itila,

⁴³Eloni, Timna, Ekeroni,

⁴⁴Eliteke, Gibetoni, Baalati,

⁴⁵Yehudi, Beneberaki, Gatirimoni,

⁴⁶Meyarikoni ndi Rakoni, ndiponso dziko loyang'anana ndi Yopa.

⁴⁷ Pamene anthu a fuko la Dani adalandidwa dziko lao, adapita nakathira nkhondo Lesemu, nagonjetseratu ndi kuwononga adani onse. Tsono atatero, adalanda mzindawo, nakhazikika kumeneko. Ndipo adasintha dzina la mzindawo kuti likhale Dani, pakuti limeneli linali dzina la kholo lao Dani.

⁴⁸Mizinda imeneyi, pamodzi ndi midzi yake, inali m'dziko limene mabanja a fuko la Dani adalandira ngati choloŵa chao.

⁴⁹Tsono Aisraele atatha kugaŵana zigawo zosiyanasiyana za dzikolo, adamgaŵirako Yoswa mwana wa Nuni dera lina la dzikolo kuti likhale choloŵa chake.

⁵⁰Potsata zimene Chauta adalamula, adampatsako mzinda wa Timnati-Sera umene Yoswayo mwiniwake adaapempha, umene unali m'dziko la Efuremu lamapiri lija. Kumeneko ndiko kumene adamanga mzinda wake, nakhazikika komweko.

⁵¹Wansembe Eleazara, Yoswa mwana wa Nuni, pamodzi ndi atsogoleri amabanja a Aisraele, ndiwo amene adagaŵa dziko limeneli zigawozigawo, pochita maere pamaso pa Chauta. Ndipo ankachita zimenezi ku Silo, ku chipata choloŵera ku chihema chamsonkhano chija. Choncho adamaliza kuligaŵa dzikolo.