Read Nyishi BEGGAR 36 Bible Online

BEGGAR 36 - Nyishi bible

BEGGAR 36

¹Soq tulu si Esug hotam tulungv (hoqhv Idom),

²‍Esu mwwg nywxw tulungam Kanaan nyi tulug nyem ko tulungam naanum: Ada, Hittait Elonwg nyem kov, Oholibama, Anag nyem kov, Hibait Jibeonwg nyem kov,

³‍hoo Basemat, Ismaiyelg nyem kov, Nebaiot bwrm.

⁴‍Hoo Ada Esu gab Elipajnvn bwwjnum; Basemat Reuelnvn bwwjnum;

⁵‍hoo Oholibama Jeus, Jalam, hoo Koranvn bwwnum. Soq tulu si Esug ko tuupv mwam Kanaan gvdaho dooyikho ko bwwjnum.

⁶‍Ho Esu mwwg nywxw tulungam, mwwg ko tuup tulungam, mwwg nyem ko tulungam, hoo mwwg imiq dvpar nyi mwlwngam, mwwg tuun-meengam, mwwg svb-svv mwlwngam, hoo mwwg gumn-ran Kanaan gvdaho door tiknam mwlwngam naanum. Hoo mwv mwwg bor Jakub hoqgv gvda asaq golo wknum.

⁷‍Hoggab bulug gumn-ranv vc loodab koi ko-gab bulv lvkin gob doola kumanum. Bulug gvda dook hv bulug tuun-mee dvk-twwk gab pwwma kunum hoqgab lvkin gob doola kumanum.

⁸‍Ho Esu Seir diiswg gvdaho nvmcw dooknum. (Esu si Idom).

⁹‍Soq tulu si Seir gvda diiswg Idom nyi tulug ab Esug hotamv.

¹⁰‍Soq tulu si Esug ko tuup tulug eminv: Elipaj Esug nywxw Adag ko tuupv, Reuel Esug nywxw Basematwg ko tuupv.

¹¹‍Elipajwg ko tuup tulungv: Teman, Omar, Jepo, Gatam, hoo Kenaj.

¹²(Timna, Elipajwg Esug ko tuupwg, xwwbaq nywxwngv; mwn Elipaj gab Amaleknvn ko bwwjnum.) Soq tulu si Esug nywxw Adag ko tuupv.

¹³‍Soq tulu si Reuel ko tuupv: Nahat, Jera, Samma, hoo Mijja. Soq tulu si Esug nywxw Basematwg ko tuupv.

¹⁴‍Soq tulu si Oholibama, Anag nyem ko Jibeonwg nyem ko hosiqg Esug nywxw ko tuupv: Mwn Esu gab Jeus, Jalam, hoo Koranvn bwwjnum.

¹⁵‍Soq tulu si Esug peelo bo ko tuup tulungv. Esug ko tuup vbw cociq Elipaj hoqgv: peelo bo tulungv Teman, Omar, Jepo, Kenaj,

¹⁶‍Kora, Gatam, hoo Amalek; soq tulu si Idom gvdag Elipajwg peelo bov; soq tulu si Ada ko tuupv.

¹⁷‍Soq tulu si Esug ko Reuel ko tuupv: peelo bov Nahat, Jera, Samma, hoo Mijja; soq tulu si Idom gvdag peelo bo Reuel kongv; soq tulu si Esug nywxw Basematwg ko tuupv.

¹⁸‍Soq tulu si Esug nywxw Oholibamag ko tuupv: peelo bo Jeus, Jalam, hoo Kora; soq tulu si Anag nyem ko Esug nywxw Oholibamag peelo gob ko bwwnamv.

¹⁹‍Soq tulu si Esug ko tuup tulungv (hoqhv Idom), hoo soq tulu si bulug peelo bo tulungv.

²⁰‍Soq tulu si nyiidub gvdaho doonbo Horit Seirwg ko tuupv: Lotan, Sobal, Jibeon, Ana,

²¹‍Dison, Ejer, hoo Disan; soq tulu si Horit nyi tulug peelo bov, Idom gvdag Seirwg ko tuupv.

²²‍Lotan ko tuupv Hori la Hemam; hoo Lotanwg bwrmv Timna.

²³‍Soq tulu si Sobalg ko tuupv: Alban, Manahat, Ebal, Sepo, hoo Onam.

²⁴‍Soq tulu si Jibeonwg ko tuupv: Aiya la Ana; Ana mwv hwdlo mwwg abwg svdam tulungam hoqtu tuukar yikho, deexa-raraho iss oggul xulin boam kaapa bov.

²⁵‍Soq tulu si Anag ko tulungv: Anag nyem kov Dison la Oholibama.

²⁶‍Soq tulu si Disonwg ko tuupv: Hemdan, Esban, Itran, hoo Keran.

²⁷‍Soq tulu si Ejerg ko tuupv: Bilhan, Jaaban, hoo Akan.

²⁸‍Soq tulu si Disanwg ko tuupv: Uj la Aran.

²⁹‍Soq tulu si Horitwg peelo tulungv: peelo bo si Lotan, Sobal, Jibeon, Ana,

³⁰‍Dison, Ejer, hoo Disan; soq tulu si Horitwg peelo tulungv, Seir gvdaho peelo tulungv dvpar-dvparb doonum.

³¹‍Israel nyi tulug aoho lvpw at pvvb bwwl doogbo swwlin maata yukho, soq tulu si Idom gvdaho lvpw atwb pvvb bwwl doognum.

³²‍Beyor gv ko tuup Bela Idom mam pvvb bwwl doognum, mwwg bopam hoq eminv Dinhaba.

³³‍Bela siknum, hoo mwwg kwlib Bojrag Jerag ko tuup Jobab pvvb bwwl doognum.

³⁴‍Jobab siknum, hoo Teman nyi tulug gvdaho Husam mwwg kwlib pvvb bwwl doognum.

³⁵‍Husam siknum, hoo hiyv Midianam Moab gvdaho mviya gvnbo Bedadwg ko tuup Hadad mwwg kwlib pvvb bwwl doognum, mwwg bopam hoq eminv Abit.

³⁶‍Hadad siknum, hoo Masrekag Samla mwwg kwlib pvvb bwwl doognum.

³⁷‍Samla siknum, hoo Rehobotwg Soul mwwg kwlib Iupratas ho pvvb bwwl doognum.

³⁸‍Soul siknum, hoo Akborwg ko tuup Baal-hanan mwwg kwlib pvvb bwwl doognum.

³⁹‍Akborwg ko tuup Baal-hanan siknum, hoo Hadar mwwg kwlib pvvb bwwl doognum, mwwg bopam hoq eminv Pau; mwwg nywxw hoqg eminv Mehetabel, Matredg nyem kov, Mejahabg nyem kov.

⁴⁰‍Soq tulu si Esug peelo bo eminv, bulug nyob tulu gvla bulug nyook doogw ko, bulug eminv: Peelo bo Timna, Alba, Jetet,

⁴¹‍Oholibama, Ela, Pinon,

⁴²‍Kenaj, Teman, Mibjar,

⁴³‍Magdiel, hoo Iram; soq tulu si Idomg peelo tulungv (hoqhv Esu, Idomg abv), bulug dootaq nyookv bulug gvdab nyiknum.