Read Nyishi 2 LVPW ATWG 6 Bible Online

2 LVPW ATWG 6 - Nyishi bible

2 LVPW ATWG 6

¹Sija nyiqry benbo ko tuup tulungv Ilisanvn benum, “Kaato, noqg ngulam doom dvb jinam dook si ngul gab anyo jaqpa.

²‍Ngulam Jordonb wwm dvb jitbv hoo ngulv nyiicwr-cwrxiv svvda loq naata deen, hoo ngulam ngulug doogw ko sam koi dvb mvm dvb jitbv.” Hoo mwv birwqnum, “Wn.”

³‍Ho bulug akwn benum, “Anya mwwpa gvdwl noqg nyera tulug lvgab wba tvb.” Mwv birwqnum, “Ngo wtayin.”

⁴‍Hoqgab mwv bulug lvgab wnum. Hoo bulv Jordon ho hvvcnum, ho bulv svvn tulungam panum.

⁵‍Hvbmabde ak gon hv svvda podu yukho mwwg vx xwpv iss pobub yoqlwqnum, hoo mwv sogoqnum, “Oa, ngoqg nyiit at hoggub mvtayin! Hoqhv ceenamv.”

⁶‍Ho Pwnbog nyi akhv benum, “Hogloq jaqb yoqlwqnvn i?” Hwdlo mwv yoqlwq koam mwam kaakin yin, mwv svvda daag panv hoo ham hoqb hurlwqnum hoo dvvcw vx xwpv jaalinum.

⁷‍Hoo mwv benum, “Vxam naarab to.” Hoqgab mwwg alaqkv ilwq banv hoo hoqham mwv naanum.

⁸‍Lok golo Siriyag lvpw atv Israelam nyob panum, mwwg nyera tulu hoqgv mwv tomswr-hony kunum, hoo begamv, “Nyook-nyook ho ngoqg svmcwngam mvtayin.”

⁹‍Hvbmabde Pwnbog nyi ak hv Israelwg lvpw atam pui kanamnum, “Soq nyook lamtab wdwb no hvvmin to, hoggab Siriya nyi tulungv soqb ita do.”

¹⁰‍Hoo Pwnbog nyi akv mwam betamnam, Israelwg lvpw atv hoq nyook hoqg nyiingam pui bilwqnum. Hoqgab mwv at atam hoq hoqgv lok maal lwnyi go ywwlin mvs dvb, soq sib mwam mwv beo-belamnum.

¹¹‍Hoo Siriyag lvpw atv vc loodab soq pagoq gab mwwdwqnum, hoo mwwg nyera tulungam mwv goqnum hoo bulam benum, “Nulv ngam kaatam ram yv hiyv Israel lvpw atgab nyemaq daqdwn?”

¹²‍Hoo mwwg nyera tulug ak gon benum, “Akkam dooma, ngoqg nyiit at, Lvpw ata; Ilisa twq, Israel ho nyiqry benbov, Israelwg lvpw atam noqg cwwrw uraho gomcwr tulungam betam dvn.”

¹³‍Hoo mwv benum, “Wn hoo meegaqta mwv hogloq ho doodwn, ho ngo nyi kanam tvl hoo mwam nootu mvtayin.” Mwam betamnum, “Kaato, mwv Dotanho doodo.”

¹⁴‍Hoqgab mwv hoqb svpur tulungam la ceriot tulungam la koi jaqg sipaiyam kanamnum, hoo ai bulv haalayil bopam mam doqyumnum.

¹⁵‍Hwdlo Pwnbog nyi akwg nyerangv ar komc gorab layil hoo lvvgwb lengnum, kaato, sipaiyv la svpur ngvla ceriot tulungv bopam bumpwngam doqyum kunum. Hoo nyerangv benum, “Kv, ngoqg nyiit at! Hoggv ngul mvtayin?”

¹⁶‍Mwv benum, “Bos maabv, hoggab ngulug lvgab dooba bov bulug lvgab dooba boam koi yaadwn.”

¹⁷‍Ho Ilisa swgwl hoo benum, “At Swa, anya mwwpa gvdwl mwwg vnyiqkam mvko to ho mwam kaam to.” Hoqgab At Sw yaapa akwg vnyiqkam mvkonum, hoo mwv kaanum, hoo kaato, puutu ho wmmwg svpur ngvla ceriot tulungv jopwb Ilisanvn doqyumnum.

¹⁸‍Hoo hwdlo Siriya nyi tulungv mwam nyob patab ipoq yin, Ilisa At Swn swgwl hoo benum, “Anya mwwpa gvdwl soq nyiilu sam nyiqca mvto.” Hoqgab Ilisag swgw koojaqb mwv bulam nyiqca dvb mvnum.

¹⁹‍Hoo Ilisa bulam benum, “Soq si hoq lamta hvvma, hoo soq si hoq bopam hvvma. Ngam wmin gvto, hoo hiyam nulv meegaqnam nyi dookub ngo nulam bool wgtan.” Hoo mwv bulam Samariya ho haagnum.

²⁰‍Bulv Samariya haada kalam, Ilisa benum, “At Swa, soq nyi tulug vnyiqkam mvko tuku, ho bulam kaam to.” Hoqgab At Sw bulug vnyiqkam mvkonum hoo bulv kaanum, hoo kaato, bulv Samariyag pengko dooknum.

²¹‍Israelwg lvpw atv bulam kaapa kalam da, mwv Ilisanvn benum, “Ngoqg aba, bulam ngo mengt yv? Bulam ngo mengt yv?”

²²‍Mwv birwqnum, “No bulam mengmabv. Noqg lyoqr orioq hoqgv la uppuq hoqgv nyumwb boanam mam no mengka dvn yv? Bulug agaho dvs-twwsam joop jito ho bulv dvpe kul bulug nyiit at dookub wwm tuku.”

²³‍Hoqgab mwv bul gab koi jaqgo durum mam mwx-mvaq jinum, hoo hwdlo bulv dvxo-twwxo yukun, mwv bulam kanam kunum, hoo bulug nyiit at dookub bulv wnum. Hoo Siriya nyi tulungv Israel gvdaho lokta nyob patab hookur kumanum.

²⁴‍Kokw so Siriyag lvpw at Ben-hadad mwwg sipai mwlwngam goqkum layil hoo nyob pvlwql Samariyangam doqyumnum.

²⁵‍Hoo bulv bopam mam doqyum kokw so Samariya ho dwr-kano poot jaq ak wnum, ho svpur akwg dumpongam cam piin rup sikil gob puqnum, hoo peerin yumkinam ang rup sikil gob puqnum.

²⁶‍Ho Israelwg lvpw atv gurum bviywrb wpeql wdu yukho, nyem ak mwam sogoql begamv, “Ngoqg nyiit at, Lvpw ata, svka tvb!”

²⁷‍Hoo mwv benum, “At Sw nam svka maab nyiloqkam, hoggub ngo nam svka nyotayin? Jurpy deela hoqgv yv, ho ala raxor ko hoqgv yv nam ngo svka nyotayin?”

²⁸‍Hoo lvpw atv mwnwn toxnum, “Noqg vs-axa kv hoggv?” Mwn birwqnum, “Soq nyem ak si ngam benum, ‘Noqg ko tuupam jito, ho ngulv soolo mwam dvt ju, hoo aram mam ngulv ngoqg ko tuupam dvt ju.’

²⁹‍Hoqgab ngulv ngoqg ko tuupam xwwnu tvl hoo mwam dvnum. Hoo aal loogwn so ngo mwnwn benum, ‘Noqg ko tuupam jito, ho ngulv mwam dvt ju.’ Hvbmabde mwn mwnwg ko tuupam kvsil ap paku.”

³⁰‍Hwdlo lvpw atv nyem ak hoqgv gomcwram tapayin, mwwg vjam mwv pumwq sunum—mwv gurum mam wpeql wdu yukho—nyiilungv mwam rogabl kaanum, hoo kaato, mwwg gv ako ho mwv tuila vjam koonum—

³¹‍hoo mwv benum, “Sapatwg ko tuup Ilisag dumpongv soolo mwwg gorbw ho dook baloqkam, Pwnbov ngam laqm-baqm tvbv hoo ngam sid bvkam mvto.”

³²‍Ilisa mwwg namho doodunum, hoo mwwg lvgab nyiixa tulungv doonum. Lvpw atv mwwg dook hoqgv nyi ak kanamnum, hvbmabde nyi kanamnam akv hvvc maatab Ilisa nyiixa tulungam benum, “Nulv kaapa dvi yv hoggub soq sony mengk bo nyi ak si nyi kanam tvl ngoqg dumpongam pvriq mvta gvdwn? Kaato, hwdlo kanamnam nyi hv hvvc kalam, viyap pam ciqtumnum hoo mwam ceekol viyap pam rub-rub jaqb gvbw tvl dooto. Mwwg nyiit atwg lvpia yal maai yv mwwg kokwb haamin gvdwn hv?”

³³‍Hoo bulug lvgab mwv goodu dooyikho, kanamnam nyi ak hv mwwg dookub ipoqnum hoo benum, “Soq vs-axaq si At Sw goloqkv! Hog hwdgo ngo At Swn kaaya yaal doota yukun?”