Read Nyishi 1 NWD 25 Bible Online

1 NWD 25 - Nyishi bible

1 NWD 25

¹Debid la bonam nyigbo peelo bo tuluhv Asapwg ko tuup tulug bonam asaqb xuqbwql xuqlin jinum, hoo Heman, la Jedutun nyiqry benum lvgab rwwxw-gungga la ludum pup tubnam lvgab betamnum. Hiyv bon nyinam mamla bulug bon nyisam nyin boam xeqlinamv:

²‍Asapwg ko tuup tulu hoqgv: Jakkur, Josap, Netaniya, hoo Asarela, Asapwg ko tuup tulungv Asapwg bilwqko uraho bon nyinum, ho lvpw atwg bilwqko uraho nyiqry benum.

³‍Jedutun gv, Jedutun gv ko tuup tulungv: Gedalia, Jeri, Jesaiya, Simei, Hasabiya, hoo Mattitiya, bul axv, bulug ab Jedutun gv bilwqko uraho bulv At Swn rwwxw-gungga lvgab paqyalinco paql hoo xuml-paql nyiqry benum.

⁴‍Heman gv, Hemanwg ko tuup tulungv: Bukkiya, Mattaniya, Ujjiyel, Sebuyel la Jerimot, Hanania, Hanani, Eliyata, Giddalti, hoo Romamti-ejer, Josbekasa, Malloti, Hotir, Mahajiot.

⁵‍Soq mwlw si lvpw atwg bon nyigbo Hemanwg ko tuup tulungv, Pwnbov mwwg dingr kojaqb mwam yuumnum, hoggab Pwnbov Hemannvn ko tuupv camleq vpy go hoo ko nyemv oum go jinum.

⁶‍Bul mwlwngv bulug abwg bilwqko uraho At Swg dvrwq namlo ho ludum pup tubl, rwwxw-xwwl hoo gungga twql Pwnbog namlo ho bon nyinum. Asap, Jedutun, hoo Heman bulv lvpw atwg gaml uraho tal doonum.

⁷‍At Sw gab bemin bem dvb bulug vbw-bor tulungam tomswrnamv la pwbwb yaldwwl miqlaq bov 288 go nyiingv doonum.

⁸‍Hoo bulv bulug bon nyisam bulv anyo ge hoo koi ge, tomswrbo ge, hoo tomswrnam ge mwlwngv aiyin lvkinwb tak cingnum.

⁹‍Otuqcob tak cinglinamv Asap hoqgv Josap; vnyi deenv Gedalia nvla mwwg vbw-boram la mwwg ko tuup camleq vnyiam cinglinum;

¹⁰‍oum deenv Jakkur, ho mwwg ko tuup tulungv la mwwg vbw-bor camleq vnyiam cinglinum;

¹¹‍vpy deenv Ijri, ho mwwg ko tuup tulungv la mwwg vbw-bor camleq vnyiam cinglinum;

¹²‍ang deenv Netaniya, ho mwwg ko tuup tulungv la mwwg vbw-bor camleq vnyiam cinglinum;

¹³‍ax deenv Bukkiya, ho mwwg ko tuup tulungv la mwwg vbw-bor camleq vnyiam cinglinum;

¹⁴‍kvn deenv Jesarela, ho mwwg ko tuup tulungv la mwwg vbw-bor camleq vnyiam cinglinum;

¹⁵‍piin deenv Jesaiya, ho mwwg ko tuup tulungv la mwwg vbw-bor camleq vnyiam cinglinum;

¹⁶‍kiya deenv Mattaniya, ho mwwg ko tuup tulungv la mwwg vbw-bor camleq vnyiam cinglinum;

¹⁷‍wyw deenv Simei, ho mwwg ko tuup tulungv la mwwg vbw-bor camleq vnyiam cinglinum;

¹⁸‍camleq akin deenv Ajarel, ho mwwg ko tuup tulungv la mwwg vbw-bor camleq vnyiam cinglinum;

¹⁹‍camleq vnyi deenv Hasabiya, ho mwwg ko tuup tulungv la mwwg vbw-bor camleq vnyiam cinglinum;

²⁰‍camleq oum deenv Subael, ho mwwg ko tuup tulungv la mwwg vbw-bor camleq vnyiam cinglinum;

²¹‍camleq vpy deenv Mattitiya, ho mwwg ko tuup tulungv la mwwg vbw-bor camleq vnyiam cinglinum;

²²‍camleq ang deenv Jerimot, ho mwwg ko tuup tulungv la mwwg vbw-bor camleq vnyiam cinglinum;

²³‍camleq ax deenv Hanania, ho mwwg ko tuup tulungv la mwwg vbw-bor camleq vnyiam cinglinum;

²⁴‍camleq kvn deenv Josbekasa, ho mwwg ko tuup tulungv la mwwg vbw-bor camleq vnyiam cinglinum;

²⁵‍camleq piin deenv Hanani, ho mwwg ko tuup tulungv la mwwg vbw-bor camleq vnyiam cinglinum;

²⁶‍camleq kiya deenv Malloti, ho mwwg ko tuup tulungv la mwwg vbw-bor camleq vnyiam cinglinum;

²⁷‍camnyi deenv Eliyata, ho mwwg ko tuup tulungv la mwwg vbw-bor camleq vnyiam cinglinum;

²⁸‍camnyi leq akin deenv Hotir, ho mwwg ko tuup tulungv la mwwg vbw-bor camleq vnyiam cinglinum;

²⁹‍camnyi leq vnyi deenv Giddalti, ho mwwg ko tuup tulungv la mwwg vbw-bor camleq vnyiam cinglinum;

³⁰‍camnyi leq oum deenv Mahajiot, ho mwwg ko tuup tulungv la mwwg vbw-bor camleq vnyiam cinglinum;

³¹‍camnyi leq vpy deenv Romamti-ejer, ho mwwg ko tuup tulungv la mwwg vbw-bor camleq vnyiam cinglinum.