Read Nyishi 1 NWD 9 Bible Online

1 NWD 9 - Nyishi bible

1 NWD 9

¹Hoqgab Israel mwlwg nwdam xiqtul apnum, hoo hoq tulu ham Israelwg lvpw at tulug Kitap ho xeqpnum. Hoo bulug mwwjwngam mvpia ko-gab, Judangam nyumwb Bebilonwb bool wgnum.

²‍Lokta bulug nvmcw dook Israelwg bopam tuluho hookurl otuqcob doa coonbov nyub tulungv, Lebi nyi tulungv, hoo dvrwq namlo ho bon nyinbo nyera tulungv.

³‍Hoo nyiilu meeg Judag, Benjamin, Iprayim, hoo Manasse hoqgv Jerusalemho doon bov:

⁴‍Utai Ammihudg ko tuupv, Omrig ko tuupv, Imrig ko tuupv, Banig ko tuupv, Judag ko tuup Perejwg ko tuup tulu hoqgv.

⁵‍Hoo Silon nyi tulungv: Asaiya ko tuup vbw cociqkv, hoo mwwg ko tuup tulungv.

⁶‍Jerag ko tuup tulungv: Jeuyel la bulug lwrwngv 690 go nyiingv doonum.

⁷‍Benjamin nyi tulungv: Sallu Mesullamwg ko tuupv, Hodabiya ko tuupv, Hassenua ko tuupv,

⁸‍Ibneia Jerohamwg ko tuupv, Ela Ujjig ko tuupv, Mikrig ko tuupv, hoo Mesullam Sepatiyag ko tuupv, Reuelwg ko tuupv, Ibnijag ko tuupv;

⁹‍hoo bulug imiq lwrw hoqg hotam tulungv 956 go doonum. Soq mwlw si bulug ab tulug imiq dvpar hoqg peelo bo tulungv.

¹⁰‍Nyub tulu hoqgv: Jedaiya, Jehoiarib, Jakin,

¹¹‍hoo Ajariya Hilkiyag ko tuupv, Mesullam gv ko tuupv, Jadok gv ko tuupv, Meraiyot gv ko tuupv, Ahitub gv ko tuupv, Pwnbog dvrwq namlo ho peelo bo saab gob nyinum;

¹²‍hoo Adaiya Jeroham gv ko tuupv, Pasur gv ko tuupv, Malkija gv ko tuupv, hoo Maasai Adiel gv ko tuupv, Jajera gv ko tuupv, Mesullam gv ko tuupv, Mesillemit gv ko tuupv, Immer gv ko tuupv;

¹³‍bulug imiq lwrw lvvg ho, bulug ab tulug imiq dvpar hoqgv ator jaqb Pwnbog dvrwq namlo ho bon nyinbov 1,760 go doonum.

¹⁴‍Lebi nyi tulungv: Semaiya Hassub gv ko tuupv, Ajrikam gv ko tuupv, Hasabiya gv ko tuupv, Merari gv ko tuup tulungv;

¹⁵‍hoo Bakbakkar, Heres, Galal hoo Mattaniya Mika gv ko tuupv, Jikri gv ko tuupv, Asap gv ko tuupv;

¹⁶‍hoo Obadiya Semaiya gv ko tuupv, Galal gv ko tuupv, Jedutun gv ko tuupv, hoo Berekiya Asag ko tuupv, Elkana gv ko tuupv, hiyv Netopat nyi tulug nampam tuluho doonum.

¹⁷‍Toggoq tulungam rvky bo tulungv Sallum, Akkub, Talmon, Ahiman, hoo bulug imiq lwrw nyi tulungv (Sallum peelo bov);

¹⁸‍hoq mood namgub bulv lvpw atwg dou-cagag toggoq tulug Lebi nyi tulu svmcw ho toggoq tulungam rvkil doonum.

¹⁹‍Sallum Kore gv ko tuupv, Ebiyasap gv ko tuupv, Kora gv ko tuupv, hoo mwwg ab tulug imiq lwrw nyi tulungv Kora gv nyi tulungv, bulv bon nyinam mam kaal yvg yaanum, hoggab bulug ab tulungv At Swg svmcw hoqg haaga toggoqkam rvkybo tulu gob nyinam, tombu haagangam rvkil doognum.

²⁰‍Hoo Pinehas Eleajar gv ko tuupv, bulug aoho peelo bo saab gob otuq moodho nyil doognum; At Sw mwwg lvgab doobanum.

²¹‍Jakariya Meselemiya gv ko tuupv, kvvrwq minsko tombug haagangam rvky bov.

²²‍Soq mwlw si, hiyam deelag toggoq tulungam rvky mvdwb daalin kunamv 212 go. Bulug nampam hoqgv nwd tulungam bulam xiqlwq jinum. Debid la Samuyel bulam bulug oppis ho bon nyim dvb mvko jinum.

²³‍Hoqgab bulv la bulug ko tuup tulungv At Swg dvrwq namlog toggoq tulungam rvky bob nyinum, hoqhv tombu nammam, rvky bob nyinum.

²⁴‍Rvky bo tulu si toggoq goqpiam rvkynum, dou-caga, dou-haaga, nyoodum, hoo nyooko.

²⁵‍Hoo bulug imiq lwrw nyi tulungv bulug nampam tulu hoqgv aal kvn-kvnam, haako-haapeql haal bulug lvgab dooba nyikynum,

²⁶‍Toggoq rvkybo peelo vpy hv Lebi nyi tulungv, bulam pwqlwngam la At Swg dvrwq namlog uddum mam rvky mvdwb xuqlinum.

²⁷‍Hoo Pwnbog dvrwq namlongam hwwiyuml bulv doognum, hoggab bulam rvky mvdwb ator jinum, hoo bulv ar roxiam haagangam mvko dvb nyinum.

²⁸‍Tuugin xumnan dupum-dvrab pam koocum yaanum, hoggab bulv dupum-dvrab tulu ham xikal jilin gvi hoo nvvlwq gvi nyidwb nyinum.

²⁹‍Bulug tuugin dootam kartam nannam hoo dvrwqbo dupum dvrab pam, wtw dvsam, roo alangam, kutiam, sulum mwwn nannam, hoo duiyup-twwgab nannam kaaya mvdwb xuqlinum.

³⁰‍Asaq nyub ko tuupv tulu gon pwr jil xumn paqn nannam mviyo-mvcol mwx-mvaqnum,

³¹‍hoo Korag nyob dvpar hoqg Sallumwg ko tuup vbw cociq Lebig nyi pengko hoqgv Mattitiyanvn aky jidwb wtw kabnam mam mvm dvb xuqlinum.

³²‍Kohat nyi tulug bulug imiq lwrw nyi tuugin nvkam Doonu aal looxig aky jis wtwngam mwx-mvaq mvdwb xuqlinum.

³³‍Soq tulu si bemin belaqbo tulungv, Lebi nyi tulug bulug ab tulug imiq dvpar hoqgv dvrwq namlog pwqlw tuluho bon nyim mvmanum, hoggab bulv aal-aiywb bon nyidul doonum.

³⁴‍Bulug nyigbo tulug nwd tulu hoqgv, soq tulu si Lebi nyi tulu bulug ab tulug imiq dvpar hoqg peelo bo tulungv. Bulv Jerusalemho doonum.

³⁵‍Gibeonwg abv Jeiel Gibeon ho doonum, hoo mwwg nywxw hoqg eminv Maaka,

³⁶‍hoo mwwg ko tuup vbw cociqkv Abdon, ho Jur, Kis, Baal, Ner, Nadab,

³⁷‍Gedor, Ahio, Jakariya, hoo Miklot;

³⁸‍hoo Miklot Simeamwg abv; hoo soq tulu siikam bulug imiq lwrw nyi tulug dook Jerusalem taqcgon ho bulug imiq lwrw nyi tulu lvgab doonum.

³⁹‍Ner Kisig abv, Kis Soulwg abv, Soul Jonatan, Malki-sua, Abinadab, hoo Esbaalwg abv.

⁴⁰‍Hoo Jonatanwg ko tuupv Merib-baal, hoo Merib-baal Mikag abv.

⁴¹‍Mikag ko tuup tulungv: Piton, Melek, Tahrea, hoo Ahaj.

⁴²‍Hoo Ahaj Jara gv abv, hoo Jara Alemet, Ajmabet, hoo Jimrig abv. Hoo Jimri Mojag abv.

⁴³‍Moja Bineag abv, hoo Repaia mwwg ko tuupv, Eleasa mwwg ko tuupv, Ajel mwwg ko tuupv.

⁴⁴‍Ajel ko tuupv ax go doonum hoo bulug eminv: Ajrikam, Bokeru, Ismaiyel, Seariya, Obadiya, hoo Hanan; Soq tulu si Ajelwg ko tuupv.