Read Nyishi 2 NWD 27 Bible Online

2 NWD 27 - Nyishi bible

2 NWD 27

¹Hwdlo Jotam pvvb bwwl doorab gviyikho, mwv vnyw camnyi leq nywng go akamnum, hoo mwv Jerusalemho vnyw camleq nywx go pvvb bwwl doognum. Mwwg ann eminv Jerusa, Jadokg ko nyemv.

²‍Hoo mwv At Swg vnyiq kaagaho hoggv aldvn ham nyinum, At Swg dvrwq namlo ho haanam mam apaq twqtwl, mwwg ab Ujjiyag nyinam hvb mwv hog mwlwngam nyinum. Hvbmabde nyiilungv nyiwq-nyitonam nyicwngam hvraqb nyil doonum.

³‍Mwv At Swg dvrwq namlog odum daiyag toggoqkam pwnum hoo Opel hoqg bvliam naleqgo mvnum.

⁴‍Hoq lvg-lvgab, mwv Judag diisw gvdaho bopam tulungam mvnum, hoo bvliam la soja tulungam svvn nwwtaqg dook diisw gvdaho mvnum.

⁵‍Mwv Ammon gv lvpw atam nyob panum hoo bulam mviyanum. Hoo Ammon nyi tulungv mwam vnywngam rup 100 telent go, hoo wtw amv 1,000 kor go, hoo tanyeqkv 1,000 kor go jinum. Ammon nyi tulungv soq sib jinam hwdkalam go vnyw nywum go jidwb nyinum.

⁶‍Hoqgab Jotam ator jaqb swwknum, hoggab mwwg Pwnbo At Swg agaho mwv dengky jaqb mwwg lamtangam nyil wnum.

⁷‍Jotamwg asaq nyinam mwlwngam, hoo mwwg nyob panam mam hoo mwwg nyinam-wnam mwlwngam, kaato, hoq tulu ham Israel gvla Judag Lvpw at tulug Kitap ho xeqp pakun.

⁸‍Hwdlo mwv pvvb bwwl doorab gviyikho, mwv vnyw camnyi leq nywng go akamnum, hoo mwv Jerusalemho vnyw camleq nywx go pvvb bwwl doognum.

⁹‍Hoo Jotam mwwg ab tulug sinam hvb siknum hoo bulv mwam Debidg bopam ho liiknum, hoo mwwg kwlib mwwg ko tuup Ahaj pvvb bwwl doognum.