Read Nyishi IJRA 10 Bible Online

IJRA 10 - Nyishi bible

IJRA 10

¹Hwdlo Ijra Pwnbog nam agaho xabl atv atam jipaq sul swgw nv hoo nyicam xaqlinum, hoo nyiv mvqlw jaqg nyega, nyem, hoo ko tulungv, Israel hoqgv mwwg dookub hookum nv hwwiyiq tvl nyiilungv vcjaqb xabnum.

²‍Hoo Jehiel gv ko tuup Sekaniya, Elam gv ko tuup tulungv Ijranvn benum: “Ngulug Pwnbo lvgab ngulug mwwjwngam mvpia paku hoo gvda soqg nyiilug nyoodo nyem mam nyem naapa ku, hvbmabde hoqhvb nyis kujaqkam sija Israel gab mwwgwngv hvraqb dooxiq do.

³‍Hoqgab soq nywxw-ko tulu sam apaq dukub ngulug Pwnbo lvgab pvvb bir tukju, ngoqg bir atwg tomswr-honynam hvb la ngulug Pwnbog gamlam bos bov Pvvb hoqg bek jaqb ham nyit kuju.

⁴‍Gorabto, hoggab soq si noqg nyisv, hoo ngulv noqg lvgab dooba dvn; atorto hoo ham nyito.”

⁵‍Ho Ijra gorab banv hoo nyub but tulungam la Lebi nyi tulungam hoo Israel nyi mwlwngam, hoggv beknum ham bulam nyim dvb bulam dingr mvnum. Hoqgab bulv dingr kunum.

⁶‍Ho Ijra Pwnbog nam hoqgv lenglayil hoo Eliyasibwg ko tuup Jehohanan pwqlwb haanum, hoqho mwv ai yupw wtw gokam dvmab ho iss gokam twwmab doonum, hoggab mwv nyumwb boonam hoqgv wkur kunbo tulug mwwjw maab nyigam gab nyix-riil mwwdwql doonum.

⁷‍Hoo mwlw Juda gvla Jerusalemho nyumwb boonam hoqgv wkur kunbo mwlwngam Jerusalemho hookum mvdwb pui baqmnum,

⁸‍hoo hiyv lajaqkam aal loum uraho haama baloqkam, saab tulu ngvla nyi axa tulungv mwwg gumn-ran mwlwngam naareq tayin, hoo mwv nyumwb boonam hoqgv wkur kunbo dvpar ho haam kuram.

⁹‍Ho Juda gvla Benjaminwg nyob hoqg nyi mwlwngv aal loum uraho Jerusalemho hookumnum. Hoqhv pool kiyag aal camnyi ho nyinum. Hoo nyiilu mwlwngv Pwnbog nam deela ho doonum, ho hoq dookum gab la vcjaqb nyodo hogam gab bosil tvmdwrnum.

¹⁰‍Hoo nyub Ijra daqrab banv hoo bulam benum, “Nulv mwwjwngam mvpia paku hoo nyoodo nyem mam nyem naapa ku, hoo Israelwg nyixiaqnamv naleq paku.

¹¹‍Hoqgab sija nulug ab tulug Pwnbo At Swn xaqlin jito, hoo mwwg mwwlwqb nyito. Nulv atv-atam gvda soqg nyiilu hoqgv la nyoodo nywxw tulu hoqgv muxub tuku.”

¹²‍Ho hookum bo mwlwngv lvkin gob sogoql birwqnum, “Hvb pak loqkam; no hoggv bepa kun ham ngulv nyidwb nyitayin.

¹³‍Hvbmabde nyiilungv naleqdo, hoo nyodongv vcjaqb hodo; ngulv soq deela so daqla deema. Hoqkv soq si aal lookin loonyi bon nyis gob nyima, hoggab ngulv soq pagoq so vc loodab nyic-nyia nyipa ku.

¹⁴‍Hoqgab ngulug saab tulungam hookum bo mwlwg nyid gab nyim to. Ngulug bopam tuluho nyoodo nywxw naanbo tulungam mood xitwl hookum mvto, hoo bulug lvgab bopam pvmx hoqg nyi axangam la nyegam tulungam haam to, ngulug Pwnbov soq pagoq so ngulam hang lingtwrnam hoqgv ngulam wleq maady deedib nyim to.”

¹⁵‍Asaelwg ko tuup Jonatan la Tikbag ko tuup Jahjeiya arro soq sam ceekonum, hoo Lebi nyi tulu hoqgv Mesullam la Sab-betai bulam loomin gvnum.

¹⁶‍Ho nyumwb boonam hoqgv wkur kunbo tulungv ham nyidwb loor kunum. Nyub Ijra nyiicwr-cwrxiam nyimin mingl bulug ab tulug imiq dvpar hoqgv nyi peelo bo tulungam xuqlin kunum. Pool bvrywg otuq aalho bulv bvrwq pagoqkam yeqka dvb doa kunum;

¹⁷‍hoo otuq poolwg otuq aalho bulv hiyv xeq nyoodo nyem naanbo nyi mwlwngam cingyum kunum.

¹⁸‍Hoq moodho nyub tulug ko tuup tulu hoqgv hiyv nyoodo nyem naanbo eminam kaapa kunumv: Maaseiya, Eliejer, Jarib, hoo Ged-alia, Jojadak gv ko tuup Jesuag ko tuup tulu hoqg tuugin la mwwg vbw-bor tulungv.

¹⁹‍Bulv atv-atv bulug nywxw tulungam apaq dukub dingr kunum, hoo bulug nyixiaq gab bulv yaap tvmwr dorg nyixiaq aky gab jinum.

²⁰‍Immerg ko tuup tulu hoqgv: Hanani la Jebadiya.

²¹‍Harimwg ko tuup tulu hoqgv: Maaseiya, Elija, Semaiya, Jehiel, hoo Uj-jia.

²²‍Pasur gv ko tuup tulu hoqgv: Elioenai, Maaseiya, Ismaiyel, Netanel, Jojabad, hoo Elasa.

²³‍Lebi nyi tulu hoqgv: Jojabad, Simei, Kelaiya (hoqhv Kelita), Petahiya, Juda, hoo Eliejer.

²⁴‍Bemin benbo tulu hoqgv: Eliyasib. Toggoqkam rvkybo tulu hoqgv: Sallum, Telem, hoo Uri.

²⁵‍Hoo Israel hoqgv: Paroswg ko tuup tulu hoqgv: Ramia, Ijjiya, Malkija, Mijamin, Eleajar, Hasabiya, hoo Benaia.

²⁶‍Elam ko tuup tulu hoqgv: Mattaniya, Jakariya, Jehiel, Abdi, Jeremot, hoo Elija.

²⁷‍Jattu gv ko tuup tulu hoqgv: Elioenai, Eliyasib, Mattaniya, Jeremot, Jabad, hoo Ajija.

²⁸‍Bebai gv ko tuup tulu hoqgv: Jehohanan, Hanania, Jabbai, hoo Atlai.

²⁹‍Banig ko tuup tulu hoqgv: Mesul-lam, Malluk, Adaiya, Jasub, Seal, hoo Jeremot.

³⁰‍Pahat-moabg ko tuup tulu hoqgv: Adna, Kelal, Benaia, Maaseiya, Mattaniya, Bejalel, Binnui, hoo Manasse.

³¹‍Harimwg ko tuup tulu hoqgv: Eliejer, Issija, Malkija, Semaiya, Simeon,

³²‍Benjamin, Malluk, hoo Semariya.

³³‍Hasumwg ko tuup tulu hoqgv: Mattenai, Mattatta, Jabad, Elipelet, Jer-emai, Manasse, hoo Simei.

³⁴‍Banig ko tuup tulu hoqgv: Maadai, Amram, Uyel,

³⁵‍Benaia, Bedeia, Keluhi,

³⁶‍Baniya, Meremot, Eliyasib,

³⁷‍Mattaniya, Mattenai, Jaasu.

³⁸‍Binnui gv ko tuup tulu hoqgv: Simei,

³⁹‍Selemiya, Natan, Adaiya,

⁴⁰‍Maknadebai, Sasai, Sarai,

⁴¹‍Ajarel, Selemiya, Semariya,

⁴²‍Sallum, Amariya, hoo Josap.

⁴³‍Nebog ko tuup tulu hoqgv: Jeiel, Mattitiya, Jabad, Jebina, Jaddai, Joyel, hoo Benaia.

⁴⁴‍Soq mwlw si nyoodo nyem naan bov, hoo soq nyem tulu soqgv tuugin kov kam dooknum.