Read Nyishi NEXEMIYA 10 Bible Online

NEXEMIYA 10 - Nyishi bible

NEXEMIYA 10

¹Hoqg morxtubnamho Hakaliya, ho Jedekiyag ko tuup nyiit radwg Nexemiyag eminv doonum,

²‍hoq kokwb Seraiya, Ajariya, Jerimiya,

³‍Pasur, Amariya, Malkija,

⁴‍Hattus, Sebaniya, Malluk,

⁵‍Harim, Meremot, Obadiya,

⁶‍Daniyel, Ginneton, Baruk,

⁷‍Mesullam, Abija, Mijamin,

⁸‍Maajiya, Bilgai, Semaiya; soq si nyub tulungv.

⁹‍Hoo Lebi nyi tulu hoqgv: Ajaniyag ko tuup Jesua, Henadadg ko tuup Binnui, Kadmiyel;

¹⁰‍hoo bulug vbw-bor tulungv, Sebaniya, Hodiya, Kelita, Pelaiya, Hanan,

¹¹‍Mika, Rehob, Has-abiya,

¹²‍Jakkur, Serebiya, Sebaniya,

¹³‍Hodiya, Bani, Beninu.

¹⁴‍Peelo bo nyiilungv: Paros, Pahat-moab, Elam, Jattu, Bani,

¹⁵‍Bunni, Ajgab, Bebai,

¹⁶‍Adonija, Bigbai, Adin,

¹⁷‍Ater, Hejekiya, Ajjur,

¹⁸‍Ho-dia, Hasum, Bejai,

¹⁹‍Harip, Anatot, Nebai,

²⁰‍Magpiyas, Mesullam, Hejir,

²¹‍Me-sejabel, Jadok, Jaddua,

²²‍Pelatiya, Hanan, Anaia,

²³‍Hosea, Hanania, Hassub,

²⁴‍Hallohes, Pilha, Sobek,

²⁵‍Rehum, Ha-sabna, Maaseiya,

²⁶‍Ahiya, Hanan, Anan

²⁷‍Malluk, Harim, Baana.

²⁸‍Hoq lvvg hoq nyiilungv, nyub tulungv, Lebi nyi tulungv, toggoq rvkybo tulungv, bemin belaqbo tulungv, dvrwq namlog nyera tulungv, hoo hiyv bulv atv atam gvda hoqg nyiilu hoqgv mwbwq layil Pwnbog Pvvbam tadwb, bulug nywxw tulungv, bulug ko tuup tulungv, bulug nyem ko tulungv, mwlwngv hiyv cenglaql hoo talaq bov,

²⁹‍bulug vbw-bor tulu lvgab, bulug xinam nyi tulu mwlw lvgab nyibanum, hoo beenam ak beenv hoo Pwnbog Pvvbam Pwnbog nyera Mojesnvn jinam ham nyil wdwb dingrnum hoo ham nyil swwdwb hoo ngulug At Swg gaml tulu ham hoo mwwg pvvb tulu ham la mwwg pvvb tulu ham nyidwb nyibanum.

³⁰“Ngulug nyem ko tulungam ngulv gvdag nyiilungam jiram ho ngulug ko tuup tulu gab bulug nyem ko tulungam naaram.

³¹‍Hoo gvdag nyiilungv dvs-twws ho am mam Doonu aalam puqb nyiloqkam, ngulv Doonu aalam la dvrwqbo aalam bulug hoqgv rvram. Hoo kvn vnywngam ngulv rongo mvram hoo ceeknam vx-ceram apaq jitayin.

³²“Ngulv atv atam vnyw-vnywngam sikil ak hoqgv oum gon ngulug Pwnbog namho jitwl bon nyin mvdwb nyidwn:

³³‍paal apnam wtw gab, lwxiam am jinam aky, lwxiam boyuqnam jinam aky, Doonu aal tulungam, nit pool tulungam, xuqbwql xuqlinam durum tulungam, dvrwqbo dupum-dvrab tulungam, hoo nyic aky tulungam Israel gab pwr jim dvb, hoo ngulug Pwnbog namho hog mwlw bonam nyim dvb mvnum.

³⁴‍Ngulv, nyub tulungv, Lebi nyi tulungv, hoo nyiilungv wsw akiam ngulug Pwnbog namho baqa dvb hoqham tak cinglinum, Pvvb ho xeqp kunam hvb, vnyw-vnywngam ngulug Pwnbo At Swg yugw ho parn mvdwb wswngam baqa mvdwb, ngulug ab hoolug imiq dvpar-dvparam moodam xuqbwq jinum.

³⁵‍Vnyw-vnywngam At Swg namho ngulug rongo hoqgv aaxy lengco bo tulungam la svvn hoqgv aaxy lengco bo tulungam baqa jidwb ngulv atv atam loor kunum;

³⁶‍Pvvb ho xeqp kunam hvb, ngulug Pwnbog namho nyub gob nyil bon nyim dvb ngulug otuqcob ko tuup tulungam la tuun-mee ko bwwconam mam, hoo sibin-svv hoo sviya tulug ko bwwconam mam, ngulug Pwnbog namho baqa jitayin;

³⁷‍hoo ngulug otuqcob cwwcwnam wtwngam, hoo ngulug jikuml jinam mam, svvn nwwxig aaxiam, roo alangam la kutiam ngulug Pwnbo namwg pwqlw uraho nyub tulu gab bwa jitayin; hoo ngulug rongo hoqgv jibwql jinam mam Lebi nyiilu gab bwa jitayin, hoggab ngulug bon nyil jibwql jinam mam ngulug pamda tulu hoqgam Lebi nyiilungv nookum yaanum.

³⁸‍Hoo Aaron gv ko tuup, nyubv Lebi nyiilungv jibwql jinam mam nookum dee moodam doomin gvdwb nyinum. Hoo Lebi nyiilungv jibwqnam hoqgv jibwq kunam mam, ngulug Pwnbog namho pwqlw noosu urab baqa tayin.

³⁹‍Hoggab Israelwg nyiilu gab la Lebig ko tuup tulu gab ammam, roo alangam, hoo kutiam, hogloq ho dvrwq namlog pwcw tulug dookub, bon nyinbo nyub tulug dookub, hoo toggoq rvky bo tulug dookub hoo bemin belaqbo tulug dook pwqlwb baqa tayin. Ngulug Pwnbog nammam ngulv osum-palam ram.”