Read Nyishi NEXEMIYA 3 Bible Online

NEXEMIYA 3 - Nyishi bible

NEXEMIYA 3

¹Ho nyub but Eliyasib la mwwg vbw-bor nyub tulungv gorabnum, hoo bulv Sviya Toggoqkam mvdarnum. Bulv ham garxaqnum hoo hoqg viyap pam mwlwq kunum. Bulv ham Lwwg Soja la Hananel Soja namgub garxaq kunum

²‍Hoo mwwg kokwb Jeriko nyiilungv mvdarnum. Hoo bulug kokwb Imrig ko tuup Jakkur mvdarnum.

³‍Hassenaag ko tuup tulungv Ngui Toggoqkam mvdarnum. Bulv hoqg xaapongam la hoqg viyap pam, hoqg mutum nanam, hoo hoqg yoqdwr viyap pam mwlwq kunum.

⁴‍Hoo bulug kokwb Hakkojwg ko tuup hosiq, Uriyag ko tuup Meremot mvdarnum. Hoo bulug kokwb Mesejabel gv ko tuup hosiq, Berekiyag ko tuup Mesullam mvdarnum. Hoo bulug kokwb Baanag ko tuup Jadok mvdarnum.

⁵‍Hoo bulug kokwb Tekoag nyi tulungv mvdarnum, hvbmabde xinam nyi tuluhv bulug At Sw gab gubal bon nyimanum.

⁶‍Paseag ko tuup Joiada la Besodeia gv ko tuup Mesullam Yesana gv Toggoqkam mvdarnum. Bulv hoqg xaapongam la hoqg viyap pam, hoqg mvtin nanam, hoo hoqg yoqdwr viyap pam mwlwq kunum.

⁷‍Hoo bulug kokwb Pobu Kvd gvdag nyiit rad dookwg Gibeon hoqgv Melatiya hoo Meronot hoqgv Jadon, hoo Gibeon gvla Mijpa nyi tulungv mvdarnum.

⁸‍Bulug kokwb hun yip pwnbo Haraiag ko tuup Ujjiyel mvdarnum. Mwwg kokwb sungam bo mvnbo Hanania mvdarnum, hoo bulv Jerusalem mam Taqtbo Bvly namgub mvdarnum.

⁹‍Bulug kokwb Jerusalem dwrbungam pvvb bwwl doogbo Hurwg ko tuup Repaia mvdarnum.

¹⁰‍Bulug kokwb Harumapwg ko tuup Jedaiya mwwg nam taqcam mvdarnum. Hoo mwwg kokwb Hasabneiag ko tuup Hattus mvdarnum.

¹¹‍Harimwg ko tuup Malkija la Pahat-moabg ko tuup Hassub taqc gonam la Wtw mvk Sojangam mvdarnum.

¹²‍Mwwg kokwb Jerusalem taqcgon dwrbungam pvvb bwwl doogbo Hallose gv ko tuup Sallum la mwwg ko nyemv mvdarnum.

¹³‍Hanun la Janoag gvdaho doonbo tulungv Lywpag Toggoqkam mvdarnum. Bulv hoqham mvdarnum hoo hoqg viyap pam, hoqg mvtin nanam, hoo hoqg yoqdwr viyap pam, hoo bvliam lwwyw kiubit ak Ikum-peera Toggoq namgub mvdarnum.

¹⁴‍Bet-hakkeremg dwrbungam pvvb bwwl doogbo Rakabg ko tuup Malkija Ikum-peera Toggoqkam mvdarnum. Mwv ham mvdarnum hoqg viyap pam, hoqg mvtin nanam, hoo hoqg yoqdwr viyap pam mwlwq kunum.

¹⁵‍Hoo Mijpag dwrbungam pvvb bwwl doogbo Kol-hojeg ko tuup Sallum Subuq buqlinko Toggoqkam mvdarnum. Mwv ham mvdarnum hoo ham tomlupnum hoo hoqg viyap pam, hoqg mvtin nanam, hoo hoqg yoqdwr viyap pam mwlwq kunum. Hoo mwv Selag Sviyin, lvpw atwg boolug bvly namgub, hoo Debidg Bopam caaga vbia namgub mvdarnum.

¹⁶‍Mwwg kokwb Bet-jurwg dwrbu taqc gonam pvvb bwwl doogbo, Ajbukwg ko tuup Nexemiya, Debidg nyubu taqgwn hoqgv naalayil sviyin hengl apko namgub, hoo atorbo nyi tulug nam namgub mvdarnum.

¹⁷‍Mwwg kokwb Lebi nyi tulungv mvdarnum: Banig ko tuup Rehum. Mwwg kokwb Keilag dwrbu taqc gonam pvvb bwwl doogbo Hasabiya mwwg dwrbungam mvdarnum.

¹⁸‍Mwwg kokwb bulug vbw-bor tulungv mvdarnum: Keilag dwrbu taqc gonam pvvb bwwl doogbo Henadadg ko tuup Babbai mvdarnum.

¹⁹‍Mwwg kokwb Mijpangam pvvb bwwl doogbo Jesuag ko tuup Ejer mwv taqcgonwg nwwxo-svtam pvvcumko taqc namgub mvdarnum.

²⁰‍Mwwg kokwb Jabbaig ko tuup Baruk mwv taqcgonwg nyub but Eliyasibwg nam viyap namgub mvdarnum.

²¹‍Mwwg kokwb Hakkojwg hosiq, Uriyag ko tuup Meremot, mwv taqc gonwg Eliyasibwg nam viyap akwn hoqgv Eliyasibwg nam vtwr namgub mvdarnum.

²²‍Mwwg kokwb nyub tulungv, ho taqg-loosaqb doonbo nyi tulungv mvdarnum.

²³‍Bulug kokwb Benjamin la Has-sub bulug nam taqc gonam mvdarnum. Bulug kokwb Ananiyag ko hosiq, Maaseiyag ko tuup Ajariya mwwg at nammam la hoqg lvvgam mvdarnum.

²⁴‍Mwwg kokwb Henadadg ko tuup Binnui taqcgon hoqgv Ajariyag nam dvqr

²⁵‍hoo hoqg bviywr namgub mvdarnum. Ujaig ko tuup Palal taqcgon dvqram mvdarnum hoo lvpw atwg odum nam soja hoqgv naarab layil rvkil daqgko baag namgub. Mwwg kokwb Paroswg ko tuup Pedaia

²⁶‍hoo Opel ho doonbo dvrwq namlog nyera tulungv dou-caga soja taqcgon Iss Toggoqkam hoo tuurwqbo soja namgub mvdarnum.

²⁷‍Mwwg kokwb Tekoa nyi tulungv koibo soja tuurwqbo hoqgv Opelwg bvly namgub mvdarnum.

²⁸‍Nyub tulungv mwwg at-atwg nam taqcgonwg Svpur Toggoq aongam mvdarnum.

²⁹‍Bulug kokwb Immerg ko tuup mwwg nam taqc gonam mvdarnum. Mwwg kokwb Dou-cagag Toggoqkam rvky bo Sekaniyag ko tuup Semaiya mvdarnum.

³⁰‍Mwwg kokwb Selemiyag ko tuup Hanania la Jalap gv ko ax deen Hanun akwn mvdarnum. Mwwg kokwb Berekiyag ko tuup Mesullam mwwg pwqlw taqcam mvdarnum.

³¹‍Mwwg kokwb Malkija, hun yip pwnbo akv, dvrwq namlog nyera tulug nam hoqgv kwm-kor mvnbog taqcgonwg Nookumko Toggoq namgub, hoo odum daiyag pwqlw bviywr namgub mvdarnum.

³²‍Hoo odum pwqlwg bviywram la hun yipwg Sviya Toggoqkam kwm-kor mvnbo tulungv mvdarnum.