Read Nyishi DOOGIN 19 Bible Online

DOOGIN 19 - Nyishi bible

DOOGIN 19

¹Israel nyiilungv Ijipt gvda hoqgv lengl wknamv pool borum gob nyiknum, hoq aalho bulv Sinai deexa-rara urab haaknum.

²‍Bulv Repidim hoqgv lengla yukul Sinaig deexa-rara urab haaknum, hoo bulv deexa-raraho svmcw mvl dooknum. Israelv puutu lvggap ho svmcw mvl doonum,

³‍hwdlo Mojes Pwnbo dookub cao yukho, At Sw mwam puutu hoqgv goqnv begamv, “No Jakubg nombungam betamto, hoo Israel nyiilungam betamto:

⁴‍Hoggv ngo Ijipt nyi tulungam nyiknum ham nulv atv jaq kaanum, hoo nulam ngo xookam baqnam hvbjaq nulam ngo atv baqlin pakun.

⁵‍Hoqgab sija, nulv jvqtw jaqb ngoqg yalam tvjw baloqkam hoo ngoqg pvvb birnam mam pvvb nyiloqkam, nulv nyob nyi tulug pengko hoqgv ngoqg uddum hoqg gumn gob nyitayin, hoggab swcw mwlw si ngoqgv;

⁶‍hoo nulv ngoqgab nyub lvpw gob hoo dvrwqbo nyob hoolu gob nyitayin. Soq gomcwr tulu sam no Israel nyiilungam agam gootayin.”

⁷‍Ho Mojes nyiilug nyi axangam goqkum banv bulug agaho At Swg mwam gaml jinam mwlwngam betamnum.

⁸‍Nyiilu mwlwngv lvkin gob birwqnv hoo benum, “At Swg agam goonam mwlw ham ngulv nyitayin.” Hoo Mojes nyiilug gomcwram At Swn pui bekinnum.

⁹‍Hoo At Sw Mojesnvn benum, “Kaato, ngo doomwq lvgab hoodu dvn, ho nyiilungam tam to hwdlo ngo nam agam gooikam, hoo nam nwrba gob mwwjw mvm dvb.” Hwdlo Mojes nyi tulug gomcwram At Swn betam yin,

¹⁰‍At Sw Mojesnvn benum, “Nyiilug dookub wnku hoo bulam soolo la aaram mam darxaql doomto, hoo bulug vj tulungam bulam niixaq mvto

¹¹‍hoo loum deen aalam mwx-mvaq tvl dooiya ta. Hoggab loum deen aalam At Sw Sinai puutu ho nyiilug vnyiq kaagaho ipoqtayin.

¹²‍Hoo no nyiilug taqg-loosaqb muxul vrr rwp gvdwl beto, ‘Puutub haamabv nulv atv hengab laka, ho puutu bviywram kam ika maabka. Hiyv lajaqkam puutungam ika bov sidwb nyitayin.

¹³‍Mwam alaq ika maabka, hvbmabde hiyv wlw hurtayin ho uppuq abtayin; svdin lajaqkam nyi lajaqkam mwv swwl dooram.’ Hwdlo tuuly yalv buqpor lengyikam bulv puutub caadwb nyitayin.”

¹⁴‍Ho Mojes puutu hoqgv nyiilug dookub ipoqkunv nyiilungam darxaq kunum; hoo bulug vj tulungam bulv niixaqnum.

¹⁵‍Hoo mwv nyiilungam benum, “Loum deen aal gab mwx-mvaqto; nyem dookub bwnwq maabv.”

¹⁶‍Loum aalwg arho doogum-taiyam bioqnv kaiya poogub doomwqkv puutu aoho doonum hoo vcjaqb tuuliv buqpurnum, ho svmcw ho doonbo nyiilungv tvmdwrnum.

¹⁷‍Ho Mojes svmcw ho doonbo nyiilungam Pwnboam kvvrwq mvdwb agab boolinum, hoo puutu lvggap ho bulug atwg daqk ho bulv daqnum.

¹⁸‍Ho Sinai puutungam wm mwkv juulupnum hoggab At Sw wm lvgab hoqho ipoqnum. Mwkv muqya apo gob juucanum, hoo puutu tuupwngv vcjaqb hwqdinum.

¹⁹‍Hoo tuuliv vc-vc yaiyab dulinum, Mojes agam goonum, hoo Pwnbov mwam taiyam lvgab birwqnum.

²⁰‍At Sw Sinai puutu aoho puutu niqtuq jaqho ipoqnum. Hoo At Sw Mojesnvn puutu niqtuq jaqb goqcanum, hoo Mojes hoqb caanum.

²¹‍Hoo At Sw Mojesnvn benum, “Nyiilu dookub ipoq gvdwl bulam beol-belam apta, hvbmab nyiloqkam bulv mwrnam mam mvpia tvl At Sw kaatayi hoo bulv naleqgo sipaq tai.

²²‍Ho hiyv At Swg ogumb hvvnwq deenbo nyub tulungam atv atam darxaq tvk hvl beto, hvbmab nyiloqkam At Sw bulam ceekol yuupaq mvtayi.”

²³‍Hoo Mojes At Swn benum, “Nyiilungam Sinai puutub caam mvma dvb no atv ngulam beol-belam begamv, ‘Puutungam bwqrwl vrr tvl hoo darxaq mvnum.’”

²⁴‍Hoo At Sw mwam benum, “Ipoqno, hoo Aaronnvn noqg lvgab boocal caagta. Hvbmabde nyub tulungam la nyiilungam mvpial At Swg dookub caam mvmabv, hvbmab nyiloqkam mwv bulam ceekol mvpia tayin.”

²⁵‍Ho Mojes nyiilu dookub ipoq kunv bulam betamnum.