Read Nyishi JOB 17 Bible Online

JOB 17 - Nyishi bible

JOB 17

¹Ngoqg yalv dub-dub nyab-nyab paku; ngoqg aalv twryi ku; ngoqgab nyubungam mwx-mvaq paku.

²Jvqtw jaqb ngoqg pagoqkam bej-beparbo doodo, hoo ngoqg vnyiqkv bulug kooluq dvb nyido.

³“No atv ngam dingrwl apto; ngoqgab nyi akkam ceetorbo dooma?

⁴Hoggab no bulug cenglaq hangam mutum paku, hoqgab no bulam mviya mvmram.

⁵Hiyv mwwg ajin tulungam ceekol bulug gumnam naatws mwwn bog— mwwg ko tulug vnyiqkv kaaro tayin.

⁶“Mwv ngam nyiilug gomcu gob mvpa ku, hoo ngo nyi tulug tacor curkum namgob nyipa ku.

⁷Hemp maagam gab ngoqg vnyiqkv nyiqmv paku, hoo ngoqg gv dorpwngv yal bobo hvb nyido.

⁸Soq mood so lootw bov mooka-saqdo, hoo nyi nyiinyongv mwwjw maan boam ceekol nwqduq do.

⁹Hvbsujaqkam lootw bov mwwg lamtangam gvbwl doodwn, hoo hiyvg alaqkv dvrwqdvn hv ator-ator yaiya do.

¹⁰Hvbmabde nulv, nul mwlwngv lokta haato, hoo nulug pengko ho ngo pumb rwnam ak kaapa ram.

¹¹Ngoqg hang mwwbynam mam, ngoqg aalv wl doodo; ngoqg mwol mwwnam mwlwngv niqtuq dook ma.

¹²Bulv aiyam aal gob mvdo; bulv bedo, ‘hutongv,’ kan twdwqkv hvvnwqdo.’

¹³Ngo Sux-ywlwngam ngoqg nam gob mwwgw paloqkam, ngoqg kartaqkam kan twdwq ho mvp paloqkam,

¹⁴ngo nyubungam, ‘No ngoqg abv hvl,’ hoo tadoram, ‘Ngoqg annv,’ ‘ho ngoqg any-bwrmv hvl bepnyiloqkam,’

¹⁵hvnyiloqkam hoglo ngoqg mwwgwngv? Hiyv ngoqg mwwgwngam kaapa tayin?

¹⁶Hoqhv Sux-ywlwg dvvcw viyap ho ita yin yv? Ngulv lvkin gob diimwrm ipoq tan yv?”