Read Nyishi JOB 28 Bible Online

JOB 28 - Nyishi bible

JOB 28

¹“Jvqtw jaqb rupam naalin ko ak doodo, hoo hunam jiqxor ko nyookv ak doodo.

²Yoqdwram swcw hoqgv naalin gvdwn, hoo pitolam deexa wlw hoqgv jiqlin gvdwn.

³Nyia kov kanam mutum dvn hoo ura jaq vtwr hoqgam miicil meelin ho deexa wlwngv kan gvla ura jaqg kan twdwq ho doodwn.

⁴Mwv lywpa ak aado ko nyi akkam dooma ko ho ung tulungam duko dvn; hoq tulu ham nyiody boon tulungv mwwpa kuma dvn; hoq tulu ham dooiho haqyin pan, nyia hoqgv aado jaqdvn; hoq tuluhv biqkur-biqxil biqdwn.

⁵Swcw gab nyiloqkam, hoq hoqgv dvsv lengdo, hvbmabde hoq ura bis wmmwm ya nyikub dvn.

⁶Hoqho wlw tulungv sappir dookho doodo, hoo hoqho hunwg diimwrv doodku.

⁷“Gaaxwl dvnbo pvtangv hoq lamtangam cengma dvn, Pwmwg vnyiqkv hoqham kaapa maadwn.

⁸Larnbo svdin tulungv hoqb wka maado; sony nyotv hoq aob wpeq kvka ma.

⁹“Nyia kov mwwg alaqkam atorbo wlwngam dulin dvn hoo rwb tulungam hoqgv puutu tulungam likub mvdwn.

¹⁰Mwv wlwngam roql silam naalin dvn, hoo mwwg vnyiqkv xinam dupum-dvrab vx-cwram kaapa dvn.

¹¹Mwv iss pobungam sviyin hingtum dvn hoqgab issiv biqcoq maadwn, hoo kvs doonbo dupum-dvrab pam mwv huto ho naalin dvn.

¹²“Hvbmabde pumb rwnam mam hogloq ho kaapa tayin? Hoo hogloq ho cenglaqko nyookv?

¹³Nyia ko hoqg koram cengma dvn, hoo hoqham swwl dook gvda so kaapa maadwn.

¹⁴Urangv bedo, ‘Hoqhv ngoqg so dooma,’ hoo sa-svlongv bedo, ‘Hoqhv ngoqg lvgab dooma.’

¹⁵Hoqham hun gab rvla maadwn, hoo hoqg koram rupv jaaya nyoram.

¹⁶Hoqham Opirg hunv, xinam onex ho maalo sappir hoqg koram juqc nyoram,

¹⁷Hunv la vrsiv hoqham homyin laram, ho maalo hoqham xinam jaq hun gujv kam kwly lwqko laram.

¹⁸Koral maalo kaar jwr-jwrbo wlwngam bepa dvb kam nyikram pumb rwnamg korv viyin muny tulungam koi yaadwn.

¹⁹Hoqham Itiopiyag topaj xinam wlwngv homyin maadwn, ho loodwr yaanbo hunv hoqham juqc maadwn.

²⁰“Hvbnyiloqkam pumb rwnam si hogloqkv haadwn? Hoo hogloq ho cenglaqko nyookv doodwn?

²¹Hoqham swwl doonbo mwlwg vnyiq kaaga hoqgv kvs pan hoo doa aog pvta tulu hoqgv kvs pan.

²²Yoqtwr dooma bo ungngv la Sinamv bedo, ‘Ngulug nyuru lo ngulv hoqg yuusamnam pui ak tapa paku.’

²³“Pwnbov hoq lamtangam cengdwn, hoo hoqg nyookam mwv cengdwn.

²⁴Hoggab swcw nvg ywwtwr namgub mwv kaadwn hoo doa nvg niikum so doonbo hog mwlwngam kaapa dvn.

²⁵Mwv dooiyam vgw dvb jinum hoo issam hot-honyio dvb xibwqnum,

²⁶hwdlo mwv nyodo gab gaml ak mviyikho hoo doogum taiyam gab mviyikho,

²⁷ho mwv hoqham kaanum hoo hoqham bibwqnum; mwv hoqham mvl apnum, hoo hoqham meelin kunum.

²⁸Hoo mwv nyia koam benum, ‘Kaato, At Swn bosnamv, hoqhv pumb rwnamv hoo alman hoqgv wkurnamv cenglaqkv.’ ”