Read Nyishi JOB 35 Bible Online

JOB 35 - Nyishi bible

JOB 35

¹Hoo Elihu birwql hoo benum:

²“Soq si lootw dvn hvl no mwwdo i? ‘Pwnbog agaho soq si ngoqg bidinv, hvl no bedwn,’

³ho no toxdo, ‘Hoggv ngoqgab hoqhv niqtuq doodwn? Ngo nyic nyipa loqkam ngo nyi albob hoggub swwtayin yv?’

⁴Ngo nam la noqg ajin tulu lvgab birwq tayin.

⁵Doa aongam tuugabto hoo kaaka to; hoo doomwq tulungam kaato, hoqhv ao yaan do.

⁶No nyic nyipa loqkam, hoggv no mwam ceekol nyiyum tayin? Hoo noqg nyicam naleqgo nyim nyiloqkam, hoggv no mwam nyitayin?

⁷No lootw paloqkam, hoggv no mwam jitayin? Ho noqg alaq hoqgv mwv hoggv nvvrwq tayin?

⁸Noqg nyic-nyia nyinamv noqg hvb nyinbo nyiingam hentwr mvdo, hoo noqg lootwngv nyia ko ak gab.

⁹“Hoggab naleqgo nyijab-nyiyiq ko-gab nyiilungv sogoql xabdwn; atorbo tulug alaq hoqgv naalin kodwb bulv svka kodwn.

¹⁰Hvbmabde hiyv kam bema do, ‘Ngam Pwnbo twrw-tvnbo hoglo yu, hiyv aiyam bemin tulungam jidwn,

¹¹swcw soqg svdin tulungam hiyv ngulam koi yaab tomswr dvn hoo hiyv doag pvta tulungam mwwlaq yaadwb mvpa kun?’

¹²Hoqho bulv sogoql xablin do, hvbmabde mwv birwq kuma, hoggab alman nyi tulug largam gab.

¹³Jvqtw jaqb Pwnbov asarb xabnam mam tama dvn, ho ham Pwnbov modu kama dvn.

¹⁴Hwdlo no mwam kaapa ma hvl beyin, hwdgo no anyo do, ho mwwg agaho bvrwqkam pvvtwl, hoo no mwam kaaya yaal doodwn!

¹⁵Hoo sija mwwg haaxaqnamv laqm-baqm maadwn, hoo nyicam nyinam mam mwv haajaqb xiqtul ap maadwn,

¹⁶Job goosam-gooiyaml mwv agam goodo; mwv hog cengmab naleqgo gomcwr tulungam goolin do.”