Read Nyishi JOB 6 Bible Online

JOB 6 - Nyishi bible

JOB 6

¹Hoo Job birwqnv hoo benum:

²“Oa ngoqg oluq-alaqnamv vgwnum, hoo ngoqg sig-dorg mwlwngam jaaka nanho vlwq paku!

³Hoggab hoqhv sa-svlog xuqxiam vgw yaadwn; hoqgab ngoqg gomcwr tulungam tomur maabv.

⁴Hoggab Pwnbog uppuq tulungv ngoq ura si doodo; ngoqg yalv bulug cumdwqkam twwdo; Pwnbog bos loodab nyinamv ngam ceeko dvb doqyumnum.

⁵Nyoro svdamv hwdlo mwv nwmw duduyin sogoq dvn yv, ho maalo hvvbv dvs dudu yin liid nvi yv?

⁶Hogloq hv svswqdvn ham al vlwqmab dvd nvi yv, ho maalo pwp pwlaho hog ngamn bo dood nvi yv?

⁷Ngoqg kanongv soq tulu sam idaq nwwma; soq dvnam tulu si ngam vs-axaq dvb mvdo.

⁸“Oa ngoqg mvnyi-moiyunam mam ngo doog nwdo, hoo Pwnbov ngoqg mwwgwngam niqtuq lengm dvn,

⁹hoqhv ngam vmwq-yumgub mvdwb Pwnbog mwwlwqkv, ho mwwg alaqkam laqjam tvl hoo ngam mvpaqdvn!

¹⁰Soq si ngoqg bet-belangv; ngo hog hwdgo vc sujaqkam mwam paqtayin, hoggab Dvrwqbo Akwg gomcwr tulungam ngo haqpaq maanum.

¹¹Hoo ngo kaaya dvb, hoggv ngo ator doodwn? Hoo ngoqg vtwr-anyangv hoggv, hoo ngo ham cwql doodwb?

¹²Ngoqg atorv wlw ator rviyv, ho maalo ngoqg aiyaqkv tama ngvi yv?

¹³Hwdlo ngoqg hoqgv swwnam-geenam mwlwngam naapaq yin ngam svka bo ngoqg lvgab hog dood nvi yv?

¹⁴“Hiyv ajin akam anya svka maanbov Mwlwngam koi yaan boam bos dvb haqpaqdvn.

¹⁵Iss biqwqnam hvb ngoqg vbw-bor tulungv xaalyo paku, pobu kucw tulu iss tonam hvb topaq paku,

¹⁶ham tapam lvgab kaaya dvb tolup paku, hoo tapamv ham yoqlup paku.

¹⁷Hwdlo hoq tuluhv jiqyikam, hoq tuluhv niidkun; hwdlo hoqhv og yin, hoq tuluhv bulug dook hoqgv nyiidkun.

¹⁸Nyiody wnbov bulug lamtangam wxaq baloqkam; bulv gaqxarl hoo yuupaq dvn.

¹⁹Temag nyiody wnbo tulungv kaagaq dvn, Sebag nyiody wnbo tulungv mwwgw dvn.

²⁰Bulv hvnyw paku hoggab bulv (atam) svqgwnum; bulv hoqho haado hoo bulv xumt maado.

²¹Hoggab nulv sija hog akkam dookma; nulv ngoqg vs-axaqkam kaatwl hoo bosdo.

²²‘Ngo ben mvi yv, ‘Ngam lvqc tvb hvl’? Ho maalo ‘Nulug gumn hoqgv ngam kam jitwb hvn mvi yv’?

²³Ho maalo ‘Ceebiog alaq hoqgv ngam naalin tvb hvn mvi yv’? Ho maalo ‘Kwcwr-kvpar bog alaq hoqgv ngam Pvlyw tvb hvn mvi yv’?

²⁴“Ngam tomswr tvb, hoo ngo cooikab dootayin; hoggub ngo gaqxar pakun ngam cenglaq dvb mvto.

²⁵Jvqtw gomcwr tulungv hwdgo atordo! Hvbmabde nulug yolu benam hoqgv hoggv benyi-beya gvdwn?

²⁶Hwdlo mwwgw dooma bo nyiv dooi hvb agam gooikam, nulug gomcwr tulungv benyi-beya dvn hvl nulv mwwd nvi yv?

²⁷Ab dooma bo aoho nulv tak cingka do, hoo nulug ajin aoho kor paqdo.

²⁸“Hvbmabde sija ngam kaagab dvb xumt to, hoggab nulug nyuqm kaagaho ngo vm mvvram.

²⁹Anya mwwpa gvdwl hookur to; jvqtw maanboam nyim mvmabv. Sija hookur to; ngam pvlyw bov soomin duku.

³⁰Ngoqg lyol so hog jvqtw maanbov dood yv? vs-axaqb nyirabnam mam ngo cengdwb nyila maad nvi yv?