Read Nyishi MWMIN NWSWR 111 Bible Online

MWMIN NWSWR 111 - Nyishi bible

MWMIN NWSWR 111

¹At Swn paqto! Ngoqg hvvjw-hara bumpwngv, At Swn ngo, jvqtw bo dvparg dookum rolu ho paqyalinco paqtayin.

²At Swg nyis tulungam nyinam si koijaq do, hiyv soqsam hemp mwwpa dvn hoqham mwlwngv poory dvn.

³Mwwg bonam nyinamv vcjaqb kangam bvla xinam gob nyidwn, hoo mwwg dvrwqkv nwrba gob dooyu dvn.

⁴Mwwg swrdorxeq nyis nyinam tulungam mwwpa mvmdvb mwv mvpa kun; At Sw anya bvla aya mwwpa dvn.

⁵Mwam bos bo tulungam mwv dvsam jidwn; mwwg birnam mam mwv nwrba gob mwwpa dvn.

⁶Mwwg atorb nyis tulungam nyinam mam mwwg nyiilungam mwv kaakin pakun, nyob tulug gumnam bulam otub bwsiq mvdwb jipa kun.

⁷Mwwg alaqkv bonam nyinam tuluhv dengky bvla jvqtw dvn; mwwg tomswrnam tuluhv mwwgw dvb nyidwn;

⁸hoqham dengky bvla jvqtwb nyidwb, bulv nwrba cwtam hoqgv nwrba gob doodwn,

⁹Mwv pvlywnam mam mwwg nyiilu gab kanamnum; mwwg birnam mam nwrba gob mwv gaml jip pakun. Dvrwq kvla swrdorxeqkv mwwg eminv!

¹⁰At Swn bosnamv mwwlaq laqrab nanv; mwlwngv hiyv ham nyinyoq dvn hv alboam cenglaq dvn. Mwam paqnamv nwrba gob dooyu dvn!