Read Nyishi MWMIN NWSWR 135 Bible Online

MWMIN NWSWR 135 - Nyishi bible

MWMIN NWSWR 135

¹At Swn paqto! At Swg eminam paqto, At Swg nyera tulungv paqto,

²hiyv At Swg namlo daqdwn, ngulug Pwnbog nam pvbia ho!

³At Swn paqto, hoggab At Sw aldvn; mwwg eminam bemin beto, hoggab soq si mwwngam jaq dvn!

⁴Hoggab At Sw Jakubnvn mwv atv, Israelam mwwg atwg gumn gob xuqlin pakun.

⁵Hoggab ngo cengdo At Sw koidvn, hoo ngulug At Sw mwlw pwnboam koi yaadwn.

⁶Hoggam xeq At Sw hemp mwwpa dvn, ham mwv nyidwn, ao lvpw tolo hoo swcw nvg aoso kam, sa-svlo mwlwho hoo sa-svlo ura bolo kam.

⁷Mwv su doomwqkam swcw nvg dootwr hoqgv juuca mvdwb mvdwn, taiyam bioql nyodongam hom dvn hoo mwwg noosu hoqgv dooiyam yilin mvdwn,

⁸Mwv su Ijipt gv ko bwwconam mam jwwtab xaanum, nyiingam la svdinam;

⁹Ijipt nyi tulunga, hiyv Paro la mwwg kanam tanbo pengko lo ceekol, kvvnyi-koornam mam la swrdorxeq tulungam kanamnum;

¹⁰hiyv naleqgo nyob asaqkam xitabnum hoo atorbo lvpw at tulungam mengnum,

¹¹Amor nyi tulug lvpw at, Sihon, hoo Basanwg lvpw at, Og, hoo Kanaanwg lvpw haty mwlwngam,

¹²hoo bulug nyookam bulam otub hvb jisiqnum, mwwg Israelam nyiilug otu akwb jisiqnum.

¹³At Swa, noqg eminv, nwrba gob dooyu dvn, At Swa, swwca mwlwho nam yuupw dvn.

¹⁴Hoggab At Sw mwwg nyiilungam nyedar tayin hoo mwwg hvvky tulungam aya mwwpa dvn.

¹⁵Nyob mwlwg murtiv hunv la rupv, nyia kog alaqho mvnamv.

¹⁶Bulv agamv doos pan, hvbmabde gooma dvn; bulv vnyiqkv doos pan, hvbmabde kaama dvn;

¹⁷bulv nyurungv gvs pan, hvbmabde tapa maadwn; ho bulug agamv doos do hvbmabde saqma dvn.

¹⁸Hiyv bulam mvnam bulv kam hoqhvb nyitayin, hoq hvbkalam mwlwngv nyitayin hiyv bulam mwwgw dvn!

¹⁹Israelwg nombu nga, At Swn paqto! Aaron gv nombu nga, At Swn paqto!

²⁰Lebig nombu nga, At Swn paqto! Hiyv At Swn bosdvn nulv At Swn paqto!

²¹Hiyv Jerusalemho doodwn, Jaiyon hoqgv At Swn paqto! Nulv At Swn paqto!