Read Nyishi MWMIN NWSWR 136 Bible Online

MWMIN NWSWR 136 - Nyishi bible

MWMIN NWSWR 136

¹At Swn paqyalinco paqto, hoggab mwv aldvn, hoggab mwwg tumab abynamv nwrba gob dooyu dvn.

²Mwlw pwnbog Pwnboam paqyalinco paqto, hoggab mwwg tumab abynamv nwrba gob dooyu dvn.

³Mwlw bir abwg At Swam paqyalinco paqto, hoggab mwwg tumab abynamv nwrba gob dooyu dvn;

⁴mwv aro hiyv koibo swrdorxeqkam nyidwn, hoggab mwwg tumab abynamv nwrba gob dooyu dvn;

⁵mwv mwwg mwwlaq hoqgv doangam pwnum, hoggab mwwg tumab abynamv nwrba gob dooyu dvn;

⁶mwv su swcwngam sa-svlo ao lo ywwlin mwj pan, hoggab mwwg tumab abynamv nwrba gob dooyu dvn;

⁷mwv su koibo huto tulungam pwnum, hoggab mwwg tumab abynamv nwrba gob dooyu dvn;

⁸doonyiam aalam kaam dvb, hoggab mwwg tumab abynamv nwrba gob dooyu dvn;

⁹poolam la takar tulungam aiyam huum dvb, hoggab mwwg tumab abynamv nwrba gob dooyu dvn;

¹⁰mwv su Ijipt gv ko bwwconam mam jwwtabnum, hoggab mwwg tumab abynamv nwrba gob dooyu dvn.

¹¹hoo bulug pengko hoqgv Israelam boolinum, hoggab mwwg tumab abynamv nwrba gob dooyu dvn;

¹²laqtor lvgab ho laqxam ko-gab, hoggab mwwg tumab abynamv nwrba gob dooyu dvn;

¹³mwv su Swlw bo sa-svlongam tvqnyi gob mwrpin sunum, hoggab mwwg tumab abynamv nwrba gob dooyu dvn;

¹⁴hoo Israelam hoq pengkob wpeq mvdwb jinum, hoggab mwwg tumab abynamv nwrba gob dooyu dvn;

¹⁵hvbmabde Paro nvla mwwg nyemaq tulungam Swlw bo Sa-svlo uraho mengpaqnum, hoggab mwwg tumab abynamv nwrba gob dooyu dvn;

¹⁶mwv su mwwg nyiilungam deexa-rara lo wgnum, hoggab mwwg tumab abynamv nwrba gob dooyu dvn;

¹⁷mwv su koibo lvpw at tulungam mengpaqnum, hoggab mwwg tumab abynamv nwrba gob dooyu dvn;

¹⁸hoo atorbo lvpw at tulungam mengnum, hoggab mwwg tumab abynamv nwrba gob dooyu dvn;

¹⁹Amor nyi tulug lvpw at, Sihonnvn, hoggab mwwg tumab abynamv nwrba gob dooyu dvn;

²⁰hoo Basanwg lvpw at, Ognvn, hoggab mwwg tumab abynamv nwrba gob dooyu dvn;

²¹hoo bulug nyookam otub jisiqnum, hoggab mwwg tumab abynamv nwrba gob dooyu dvn;

²²mwwg hvvky Israelam otub jisiqnum, hoggab mwwg tumab abynamv nwrba gob dooyu dvn;

²³soq sib mwv su ngulam mwwpanum ngulug laanyi maadwkho, hoggab mwwg tumab abynamv nwrba gob dooyu dvn;

²⁴hoo ngulug nyemaq tulu hoqgv ngulam ywwlinum, hoggab mwwg tumab abynamv nwrba gob dooyu dvn;

²⁵mwv su swwl doonbo mwlwngam dvs jidwn, hoggab mwwg tumab abynamv nwrba gob dooyu dvn;

²⁶Ao lvpwg Pwnbon paqyalinco paqto, hoggab mwwg tumab abynamv nwrba gob dooyu dvn;