Read Nyishi MWMIN NWSWR 138 Bible Online

MWMIN NWSWR 138 - Nyishi bible

MWMIN NWSWR 138

¹Ngoqg hang bumpw lvgab, At Swn, ngo paqyalinco paqdwn; asaqg pwnbo agaho ngo bemin bel nam paqdwn;

²noqg dvrwq namlo daiyab ngo pvxwl xumdwn hoo noqg tumab abynam mam la noqg dengky namgab noqg eminam paqyalinco paqdwn, hoggab noqg eminam nvla noqg gomcwram hog mwlwngam yuubin yaadwn.

³Hoq aalho ngo goqnum, no ngam goqrwqnum; ngoqg yvjwg atoram no vbw jinum.

⁴Swcw soqg lvpw at mwlwngv nam paqyalinco paqtayin, At Swa, hoggab noqg agam mam bulv tapanum,

⁵hoo At Swg pagoq tulungam bulv bemin betayin, hoggab vcjaqb yuunamv At Sw gv.

⁶Hoggab At Sw vcjaqb koi sujaqkam, mwv anyo gob mwwdwn, hvbmabde larn boam mwv aado hoqgv cengdwn.

⁷Ngo hentwr-kaasig pengko ho wsjaqkam, no ngoqg swwgam pvvl apdvn; ngoqg ceebio tulug hang lingtwrnam mam noqg alaqkv no ijin banv ceeko jidwn, hoo noqg lvqbwq alaqkv ngam naalin dvn.

⁸At Sw mwwg mwwlwqkam ngam niqtuq nyilin gvtayin; noqg tumab abynamv, At Swa, nwrba gob dooyu dvn. Noqg alaqho bonam nyinam mam toxa mabka.