Read Nyishi MWMIN NWSWR 146 Bible Online

MWMIN NWSWR 146 - Nyishi bible

MWMIN NWSWR 146

¹Ngoqg yvj no, At Swn paqto! At Swn paqto!

²Ngo At Swn paqtayin ngoqg swwnam xaqb; ngo swwl doode so ngoqg Pwnboam ngo bemin bel paqtayin.

³Lvpw atwg ko tuup tulungam no mwwgw maab, nyia ko tuup ak ho, hiyvg lvgab ywwlinamv dooma dvn.

⁴Hwdlo mwwg saqnamv wleqyin, mwv kedwb hookur dukun; hoq aalam jaq mwwg mwol apnam tulungv nyiid kun.

⁵Jakubg Pwnbo hoqgv svka haanamv mwwg gab xinam jaqkv, Pwnbov At Sw mwwg svqgwngv,

⁶hiyv swcw nyodongam, sa-svlongam, hoo bulug uraho hog mwlw doon boam bvl pwnum, hiyv nwrba gob mwwjwngam pvvdwn;

⁷hiyam nyijab-nyiyiqnam mam jvqtwngam nyijdvn, hiyv kano boam dvs jidwn. At Sw pvtwq tumnam mam tolin jidwn;

⁸At Sw vnyiq nyiqca boam mvko jidwn. Hiyv pvxwl xumnum ham At Sw gaaiyin dvn; At Sw jvqtwngam aby dvn.

⁹At Sw nyoodo nyi tulug aoho rvky dvn; mwv xwwmiam la ab dooma boam svka dvn, hvbmabde nyicig lamtangam mwv yaqpia mvdwn.

¹⁰At Sw nwrba gob pvvb mvl doog tayin, noqg Pwnbov, Jaiyona noqg ko hosiq mwlw nagub. At Swn paqto!