Read Nyishi MWMIN NWSWR 2 Bible Online

MWMIN NWSWR 2 - Nyishi bible

MWMIN NWSWR 2

¹Hoggab nyob nyiingv vcjaqb haaxaq xaqdwn, hoo nyiilungv niqtuq dooma boam nyidwb mwwdwn?

²Swcwg lvpw at tulungv atam mvl ap pan, hoo pvvb mvl doogbo tulungv lvkin gob tomswr-honynam mam naado At Sw nvla mwwg Xuqnam akam ceebio baqdwn, begamv,

³“Kuj ngulv bulug parl apnam sam vmwq-yumgub mvtuj hoo bulug tag kartin nan sam hurpaq xaat tuj.”

⁴Ao lvpwngam doogbo Akv bulam nyirj dvn, ho At Sw bulam laqm-baqm dvn.

⁵Ho mwwg hang lengnam mam mwv bulam yolu ruqdwn, hoo mwwg hang lengl benamv bulam tvmdwr mvdwn.

⁶“Ngo xuqpa kun ngoqg Lvpw At Swam dvrwqbo Jaiyon puutu lo doom dvb.

⁷At Swg pvvbam ngo nyi mwlwngam bekin tayin: Mwv ngam benum, “Nulv ngoqg kov; ho soolo galoqkv ngo nulug abwb nyidkun.

⁸Ngam koto, ngo nyook sam nulam otu bwsiq mvtayin, hoo gvda gvt sam nulgab gumn otu gob mwjtayin.

⁹Nulv bulam dvvcw beqnyia lvgab jwwmwq tayin, hoo deekam pwcwngam vmwq-yumgub mvnam hvb bulam nulv mvtayin.”

¹⁰Hoqgab sija, Lvpw At Sw nulv mwwlaqto, ho nyook sam nyig-wgbo mwlwngv hvvminto.

¹¹At Swn bosil hoo hemp lvgab tvmdwrl xumto.

¹²Ko Tuupam xumto, hvbmaba loqkam mwv haqxia tai, ho noqg lamta ho no sitayin, mwwg hang lengnamv taiyam bioqnam hvb nyidwn. Hiyv mwwg lvgab cwwgwl doodwn hoq nyi hv xinam jaqkv.