Read Nyishi MWMIN NWSWR 24 Bible Online

MWMIN NWSWR 24 - Nyishi bible

MWMIN NWSWR 24

¹Swcw si la hoo soq aoso doonbo hog mwlw si At Sw gv, gvda gvt so hiyv swwl doonbo hog mwlw si mwwg gwjw,

²mwv sa-svlongam ywrlin pan hoo pobu hoxiam bvl pwlin pan.

³Hiyv At Swg puutu ho caanyi tayin? Hoo hiyv mwwg dvrwqbo nyook ho daqnyi tayin?

⁴Hiyvg alaqkv dvrwqdvn hoo hangv jvqtw dvn, hiyv mwwg yvjam xaalyo lyon maadwn hoo vm mvvl dingma dvn.

⁵Mwv At Swg hoqgv lvqcam nvvrwq tayin hoo Pwnbog jvqtw hoqgv mwam ywwlin tayin.

⁶Soq svkwg ko hosiq tuluhv mwam meegaq dvn, hoq tuluhv Jakubg Pwnbo nyuqm mam meegaq dvn.

⁷No svgagvrwq to, Toggoq tulunga! Hoo nwrba viyap mwlwngam ciqko to, ho yuunam Lvpw at akam urab haam to.

⁸Hiyv soq yuunam Lvpw at si? Hv At Sw, mwlwngam ator bvla koi yaadwn, ho At Sw, mwlwngam nyob pabin yaadwn!

⁹No svgagvrwq to, Toggoq tulunga! Hoo nwrba viyap mwlwngam ciqko to, ho yuunam Lvpw at akam urab haam to

¹⁰Hiyv soq yuunam Lvpw at si? Hv At Sw mwlwg atv su, mwv su yuunam Lvpw at akv!