Read Nyishi MWMIN NWSWR 26 Bible Online

MWMIN NWSWR 26 - Nyishi bible

MWMIN NWSWR 26

¹Ngam pw hwwka to, At Swa, hoggab ngoqg lootwb swwnam mam ngo swwnum, hoo ngo At Swn kumk-rumr maab hinjwnum.

²Ngam hingnwq kvkato, At Swa, hoo ngam nyikato; ngoqg mwwnam hengnam mam pooka to.

³Hoggab noqg tumanam abiv ngoqg vnyiq kaaga si doodo, hoo ngo noqg dengkynamho wl doodwn,

⁴Ngo xaalyo bo nyi tulu lvgab doomin gvma dvn, ho kaaya-labws mwwdwb nyinbo tulu lvgab ngo wmin gvma dvn;

⁵Almab nyinbo dvparam ngo oyum dvn, hoo ngo nyic-nyia lvgab doomin gvma dvn.

⁶At Swa, cengma bob nyitwl ngo ngoqg alaqkam losuq gviyin, hoo noqg yugwngam sooiyiql yvdwn,

⁷Paqyalinco hvl vcjaqb puiyam boqdu dvn, hoo noqg swrdorxeqb bon nyinam mam betam tomdu dvn.

⁸At Swa, ngo aby dvn noqg nam doogwngam hoo hogloq nyook ho noqg yuunamv doodwn.

⁹Ngoqg yvjam nyicbo lvgab mwrtaq leng maabv, ho ywlw swtw twwnbo lvgab ngoqg swwgam xitaq maabv,

¹⁰hiyvg alaqkv nyicig dupum-dvrab gob nyidwn, hoo hiyvg lvqbwq alaq kvkam noodu twqdwn.

¹¹Hvbmabde ngoqgab, ngo wtayin ngoqg lootwb swwk lo; ngam pvlyw tvb, hoo ngam anya mwwpa tvb.

¹²Ngoqg lvpiangv nvmyin ko deela si daqdwn; koi jaqb dookumko ho ngo At Swn paqtayin.