Read Nyishi MWMIN NWSWR 27 Bible Online

MWMIN NWSWR 27 - Nyishi bible

MWMIN NWSWR 27

¹At Sw ngoqg huto ngvla ngam ywwlin bov; hiyam yu ngo bos tayin? At Sw ngoqg swwgwg cwwgwngv; ho hiyam ngo bos sotayin?

²Hwdlo nyicbo tulungv ngoqg gvvg vdinam dvtab haaiyin, ngoqg vs-axaq kvla nyemaqkv soq sib bulv dwqtupl geqdwn.

³Sipai tulungv ngam hwwiyum sujaqkam, ngoqg hangv bos sog suram, ngam nyob patab daqrab sujaqkam, ngo hvraqb haakaml dootayin.

⁴Hog ak ngo At Swn toxnum; hoqham ngo meekar dvn; hv hvbaloqkam ngoqg swwnam bumpw ho ngo At Swg namlo ho doodwb, ho tuury-tuutayin At Swg kangam mam hoo mwwg dvrwqbo namlo uraho toxul doodwb.

⁵Hoggab ngoqg hentwr-kaas aalam mwv ngam mwwg namho kvsil aptayin; mwwg tombu uraho mwv ngam tomlupl doog tayin; mwv ngam lwwn pwt aoho daqm tayin.

⁶Hoo sija ngoqg dumpongv paarab taikun ngoqg nyemaq tulungv ngam hwwiywql doog sujaqkam, hoo ngo mwwg tombu uraho hemp goqram rogdvl pwr jitayin; ngo bemin tangam boam At Swn bijtayin.

⁷Tapa tvb, At Swa, hwdlo ngo sogoql xabyin; ngam anya mwwpa gvdwl ngam goorwq tvb!

⁸No benum, “Ngoqg nyuqm mam meekar to.” Ngoqg hangv nam benam, “Noqg nyuqm mam, At Swa, ngo meekar dvn.”

⁹Noqg nyuqm mam ngoqg galoqkv kvs maabv. Noqg nyerangam no hang lengl wleq maabv, hoggab no su ngam svka kaaky bov. Ngam hurpaq maabv, ngam apaq maabv, Pwnbo ngam ywwlin bov!

¹⁰Hoggab ngoqg ab-annv ngam apaq paku, hvbmabde At Sw ngam nvvlwq tayin.

¹¹At Swa, noqg lamtangam ngam tomswr tvb, hoggab ngoqg ceebio ngv doogum gab, hoo ngam hvmlin ko lamtab wgtvb.

¹²Ngoqg nyemaq mwwlwqkob ngam jipaq maabv; hoggab xaalyo bo hvvkiv ngam ceebio baqdo, hoo bulv yolu dudul doodo.

¹³At Swg alnam mam swwk doonbo ked so ngo mwwjwl tuugab jinjin tayin!

¹⁴At Swn kaayal dooto; atorto, noqg hangv haakam to; At Swn kaayal dooto!