Read Nyishi MWMIN NWSWR 30 Bible Online

MWMIN NWSWR 30 - Nyishi bible

MWMIN NWSWR 30

¹Ngo nam yuum tan, At Swa, no ngam naalin jigam gab, hoo ngoqg nyemaqkam ngoqg aoso hemp pom mvmabv.

²At Swa, ngoqg Pwnboa, ngo nam xabnum svka tvbwk hvl, hoo no ngam mwpnum.

³At Swa, no ngoqg yvjam Sux-ywlw nyook hoqgv boolin kunum; ung yoqlwqbo pengko hoqgv no ngoqg swwgam jikur kunum.

⁴At Swn bemin beg dvl paqnyato, mwwg xuqlinam mwlwngv, hoo mwwg dvrwqbo eminam paqyalinco paqto.

⁵Hoggab mwwg haaxaqnamv vcwr mood gabtwq; hoo mwwg mwwswnamv swwnam bumpw xaqb dootayin. Nyix-riinamv ai yubkin gobtwq, hvbmabde ar komcam hempv haadkun.

⁶Ngoqg aljaqb swwnam lvgab ngo hvl betayin, “Ngo nywywngam kwi-rvca ram.”

⁷Noqg mwwswnam hoqgv, At Swa, no ngoqg gvda puutungam hwngkwb daqm dvn; no noqg nyuqm mam kvsnam, ngo hentwr-kanyinum.

⁸Nam ngo, At Swa, ngo xabg dvn, hoo At Swn ngo aya mwwpa tvbwk hvl xumnum:

⁹“Hognvkv ngoqg sinam niqtuqkv doodwn, ngo nyubu ungho haak baloqkam? Nam diimwrv paqtayin yv? Noqg dengkib nyinam mam betam nyotayin yv?

¹⁰Tato, At Swa, hoo ngam aya mwwpa tvb! At Swa, ngoqg svka bob nyitbv!”

¹¹No ngoqg nyix-riinam mam noso soomin dvb mukub jipa ku; no ngoqg tuila vjam naapaq jipa ku hoo ngam mwwngam vjam koom paku,

¹²hoqgab ngoqg yuunamv bemin bel nam paqtayin hoo cooikab doonyiram. At Swa, ngoqg Pwnboa, ngo nam nwrba gob paqyalinco paqtayin!