Read Nyishi MWMIN NWSWR 39 Bible Online

MWMIN NWSWR 39 - Nyishi bible

MWMIN NWSWR 39

¹Ngo benum, “Ngoqg pagoq goqx lo ngo hengab sutayin, ho ngoqg lyol lvgab ngo nyic nyima dvb; hwdlo xaqb nyicbo tulungv ngoqg dook so dood deedib, ngoqg agam sam pupur lvgab ngo purtum sutayin.”

²Ngo goolin kumanum hoo cooikab dooknum; ngoqg swrso goosamkam gook maab nyiim kunam, hoo ngoqg mwwdwq-saqkv vi yaiyab nyirab kunum,

³Ngoqg hang urangv vcjaqb ognum. Hvb ngo mwwdu yikho wmmwb guknum; ho dara ngoqg lyol lvgab goopor daqknum:

⁴“At Swa, ngo swwdynam mam ngam cengm tvb hoo hog hwdgo ngoqg aalv xika dvb doodo; ngo hog hwdgo swwdw yindo ham ngam cengm tvb!

⁵Kaato, no ngoqg swws sam alaq loqd hwiyw gob mvp paku, hoo ngoqg swwnam bumpwngv noqg kaagaho hog hvvtw kuma bo. Jvqtw jaqb nyia kog mwlwg swwnamv saqnam siitwq!

⁶Jvqtw jaqb nyia kongv yal bobo hvb wtwqdvn! Jvqtw jaqb hog doomab bulv hur-matab dudo; nyia kongv vigo gumnam paal apsug do hvbmabde hiyv pvvcum taikun ham cengma dvn!

⁷“Hoo sija, At Swa, ngo hognvkam kaaya tayinkun yv? Ngoqg mwwgwnamv noqg ho doodwn.

⁸Ngoqg mwlw nyimur hoqgv ngam naalin tvb. Nyiidam bo tulungam ngam bej-bepar mvmabv!

⁹Ngo gomd kuma dvn; ngoqg agam mam ngo gamkoq maadwn, hoggab soq sib no su mvpan.

¹⁰Noqg ngam jwwnam mam naaxa tukub; noqg laqm-baqmnam hoqgv ngo si doodkun.

¹¹Hwdlo nyic nyin boam yolu ruql no nyi akam gwryin, hognvkam mwv aby dvn ham no tvgiq piinam hvb piimwq dvn; jvqtw jaqb nyia kog mwlwg swwnamv saqnam siitwq!

¹²“Ngoqg swgwnam sam tapa tvbka, At Swa, hoo ngoqg xabnam sam tvmw mabka; ngoqg nyiqs didso noqg swrsongam xutin mabka! Hoggab ngo noqg lvgab wpeq bo nyiin akv, ngoqg ab apa tulungv nyinam hvbkalam, ngo nyiin akv.

¹³Ngoqg wleq maatab hoo ngoqg moodv haama taab, ngam kaak mabka, ho ngo lokta nyirs puiyuml nyirta yukun!”