Read Nyishi MWMIN NWSWR 4 Bible Online

MWMIN NWSWR 4 - Nyishi bible

MWMIN NWSWR 4

¹Ngoqg jvqtwb Pwnboa, hwdlo nam ngo goqyikam, no ngam goqrwq tvb! Ngo hentwr heng yikho, no ngam svkanum. Hoqgab ngam anya mwwpa gvdwl ngoqg swgwnam sam tapa tvb.

²Nyi tulunga hwdjaq go ngoqg yuunam mam hvnyw gob nyim taikun? Hwdgo nulv niqtuq dooma boam aby taikun, hoo xaalyo bo atam meegaq taikun?

³Hvbmabde, cengto At Swv jvqtw boam mwwg gab xuqlin ap pakun, At Swam hwdlo ngo goqyikam mwv tapa dvn.

⁴Hwdlo no hang leng yikam, nyic nyimabv; no yubyikam cooikab mwwdy lalal mwwto.

⁵Jvqtw pwram jito, hoo no At Swg aoho mwwgw to.

⁶Nyiv naleq go bedo, “Hiyv ngulam alboam kaakin nyotayin? Hvvloq, At Swa, noqg hutongam ngulug aoso huuj tvbka!”

⁷Hwdlo dvmin twwminl doonam mam hilayab, no ngoqg hvvjw lo hempam koi yaab jilwq pa.

⁸Ngo swrsomalo jaqb yubl karl dootayin; At Swa, no aro twq ngam swrsob doom dvb mwjbov.