Read Nyishi MWMIN NWSWR 41 Bible Online

MWMIN NWSWR 41 - Nyishi bible

MWMIN NWSWR 41

¹Hiyv nyi akv jwwgwbo gab mwwdwq dvn hv xinam jaqkv! Hentwr-kaas aalam At Sw mwam naalin dvn;

²At Sw mwam ceetor dvn hoo mwam swwm dvb pvvl ap pan; mwam gvda hoqg xinam gob bedwn; mwwg nyemaq tulug mwwlwqkob nyim dvb no mwam jipaq maadwn.

³Mwwg vc kark ho At Sw mwam ator jidwn; mwwg vcam no mwam mwp jil bobuq dvb mvdwn.

⁴Ngoqgab nyiloqkam, ngo bedwn, “At Swa, ngam anya mwwpa tvb; ngam mwp tvb, ngo nam ceekol nyic nyit kuba!”

⁵Ngoqg nyemaq tulungv ngam beedo, “Hwdlo mwv sitayin, hoo mwwg eminv nyiita yukun?”

⁶Hoo hwdlo nyi ak ngam kaatab haaikam, mwv niqtuq dooma bo agam tulungam goodwn, mwwg hangv alman boam mwwkuml dooi yikho; hwdgo mwv wlin yukam, mwv mwlwngam tvpw dvb gootam do.

⁷Hiyv ngam hang baqdwn hoq tulungv lvkin gob ngoqg pagoqkam jamin sudo; mwlwngam alyama boam bulv ngoqgab mwwdo.

⁸Bulv bedo, “Mwwg aoho sig deenbo akv tolup paku; hogloq ho mwv kardwn, mwv lokta gorab kuram.”

⁹Hiyv ngoqg dvsam dvnum, ngoqg ajin jimbwngam hiyam ngo mwwjw swswnum, mwv kam ngam ceebio baql caajab paku.

¹⁰Hvbmabde no, At Swa, ngam anya mwwpa tvb, hoo ngam daqrab mvtwb, ho ngo bulam kwly daqnyi tayin.

¹¹Soq soqkv ngo cengdwn no ngoqg aoho hemp dvn: ngoqg nyemaqkv ngam mviya pan hvl ngoqg aoso goqr romram.

¹²Hvbmabde ngoqg jvqtw ko-gab no ngam pvvl appa, hoo nwrba gob ngam noqg dookho doom tvbv.

¹³Israelwg Pwnbo, At Swn, kuiyum hoqgv kuiyum nagub, xig nvka! Amen hoo Amen.