Read Nyishi MWMIN NWSWR 56 Bible Online

MWMIN NWSWR 56 - Nyishi bible

MWMIN NWSWR 56

¹Pwnboa, ngam anya mwwpa tvb, hoggab nyiingv ngam caajab-cvviywq do; aal looxiam ngam mvta bov bejab-biyiq bedo;

²ngoqg ceebio tulungv aal looxiam ngam caajab do, hoggab vigo larl ngam jwwdo.

³Hwdlo ngo bos yin, nam ngo mwwgw dvn.

⁴Pwnbog, gamlam ngo paqdwn, Pwnboam ngo mwwgw dvn; ngo bos soram. Nyia kov ngam hoggv mvnyi tayin?

⁵Aal looxiam bulv ngam un mvgdvn; bulug mwwnam mwlwngv ngam ceebio baql alman boam mwwdwn.

⁶Bulv jwwdwb rarab do, bulv kvsil tooiya do; bulv ngoqg dwqkap-kvbxiam swql doodo, bulv ngoqg swwgam mengdwb mwwl kaayal doodwn.

⁷Hoggab bulug nyimur nyinam hoqgv keleqtai nvi yv? Pwnbov, hang lengl nyiilungam mvpaq lodwn!

⁸Ngam jooi-joocanam mam no xil pakun; ngoqg nyiqs sam noqg yooxaqho hwwp to. Soq tulu si noqg kitap ho dooma dvn yv?

⁹Hwdlo aalam ngo goqyikam ho ngoqg ceebio tulungv wkur taikun. Soq sam ngo ceng do Pwnbov ngoqgab doodwn.

¹⁰Pwnbog, gamlam ngo paqdwn, At Swg gamlam ngo paqdwn.

¹¹Pwnboam ngo mwwgw dvn; ngo bos soram. Nyia kov ngam hoggv mvnyi tayin?

¹²Pwnboa, ngo hoggub nyijaqkam ngoqg birnam mam ngo niqtuq nyilin tayin; nam ngo paqyalinco paqnam akiam jitayin.

¹³Hoggab no ngoqg yvjam sig hoqgv naalin pan, vvjaq ngoqg lvpia duleql geql tanam mam nootu jipa kun, ho ngo swwgwg huto ho Pwnbog agaho wnyi tayin.