Read Nyishi MWMIN NWSWR 60 Bible Online

MWMIN NWSWR 60 - Nyishi bible

MWMIN NWSWR 60

¹Pwnboa, no ngulam haqpaq paku, ngulug cwwgwngam mwmwq paku; no haaxaq paku; oa, ngulam nookur tukub!

²No gvdangam hwqdin paku; no ham goqc-goqyi mvpa ku; soq goqc-goqyi bo tulu sam mvdarto, hoggab si hwql doodo.

³Noqg nyiilungam hentwram kaapa mvdwb no mvp pakun; no ngulam twwxum boam twwm paku hv ngulam twwxum paku.

⁴Hiyv nam bosdvn ham no jibw vj ak torlin jipa, ho jvqtw hoqgv bulv hoqb kilwq tayin.

⁵Ho noqg tumab abynam tulungam naalin kamyi nvpv, noqg lvqbwq alaqkv ywwlinam mam jido hoo ngulam birwq do!

⁶Pwnbov mwwg dvrwq hoqgv agam goop pan: “Ngo Sekem mam hemp lvgab mvpin tayin hoo Sukkot haapangam xilinl xipaq lengtayin.

⁷Gilead si ngoqgv; ho Manasse si ngoqgv; Iprayim si ngoqg bopyangv; Juda si ngoqg beqnyiangv.

⁸Moab si ngoqg alaq losuqko pagamv; Idom aoho ngoqg luxuqkam ngo samp dvn; Palistiya aoho ngo mviyanam kiggoqkam goqdwn.”

⁹Hiyv kula yu ngam gurum nwqtumnam bopamb boa tayin? Hiyv kula yu ngam Idomb wgtayin?

¹⁰Pwnboa, no ngulam haqpaq pak nvi yv? Pwnboa, no ngulug nyemaq tulu lvgab lengl wmin gvkma.

¹¹Ceebiongam ceetor nanlo ngulam svka tvb, hoggab nyiig svkanamv niqtuq dooma dvn!

¹²Pwnbo lvgab ngulv haakam jaqb nyitayin; soq si mwv su ngulug ceebio tulungam caajab tayin.