Read Nyishi MWMIN NWSWR 62 Bible Online

MWMIN NWSWR 62 - Nyishi bible

MWMIN NWSWR 62

¹Hoggab Pwnboam twq ngoqg yvjv biimab kaaya yaal doodwn; mwwg hoqgv ngam ywwlinamv haado.

²Mwv twq ngoqg lwwnv hoo ngam ywwlin bov, ngoqg gurumv; ngo vcjaqb hwqdin ram.

³Gampiabo sulu ak hvb, hvvtin maanbo bvly ak hvb, hog hwdgo nul mwlwngv nyi akam jwwmwql mwam mvtayin?

⁴Bulv mwam akob mwwg aobo dook hoqgv tuugeq lodwb mwwtwq dvn. Bulv xaalyonam mam hemp mwwpa dvn. Bulug agam hoqgv bulv paqs dvn, hvbmabde bulug haarangv beedwn.

⁵Hoggab Pwnboam twq ngoqg yvjv biimab kaaya yaal doodwn, hoggab ngoqg hingwngv mwwg galoqkv.

⁶Mwv twq ngoqg lwwnv hoo ngam ywwlin bov; ngoqg gurumv, ngo biig suram.

⁷Pwnbog aoho ngoqg ywwlinamv la ngoqg yuunamv doodwn; Pwnbov ngoqg lwwnv pwtv, ho ngoqg cwwgwngv.

⁸Nyiilunga, mood vxiam mwam mwwgw to; nulug hangam mwwg agaho lolin jito; Pwnbov ngul gab cwwgw akv.

⁹Anyob doogbo tulungv hvbmabde saqnam gotwq; koi doogbo tulungv mwwsamnamv twq; xika nanho bulam jaaka baloqkam; bulv lvkin gob saqnam dooiyam hvrab yaado.

¹⁰Naareq-naaceqnamho mwwgw maabv; dvco coly laqlaqnam ho hingw maabv; nyet tvrab yukam, hoq tulug aoho noqg hangam hintinl doomabv.

¹¹Pwnbov sam lok agam goopa kun; ngo sam lwnyi go tatkun; hoqgab huqlw si Pwnbo gvsu,

¹²hoo At Swa, tumab abynamv noqgv su. Hoggab no nyi akam mwwg bonam nyinam hvb nyijongam jidwn.