Read Nyishi MWMIN NWSWR 75 Bible Online

MWMIN NWSWR 75 - Nyishi bible

MWMIN NWSWR 75

¹Pwnboa, nam ngulv paqyalinco paqdwn; ngulv paqyalinco paqdwn noqg eminamv ogum ko-gab. Ngulv noqg swrdorxeq bon nyinam mwlwngam betam dvn.

²“Mood xikjaqb ngo xuqpan ngo homyin dvb pw-hwwtayin.

³Hwdlo swcwngv la, hoo hoqho hog mwlw doonbo tulungv hwqyin, hoqham ngo su hoqg rwwda tulu ham hwngkwb daqm dvb pvvdwn.

⁴Ngo larn boam bedwn, ‘Nulv larma bv,’ hoo nyic boam benam, ‘Nulug vrrwngam aob baarab maabv;

⁵nulug vrrwngam ao jaqb baarab maabv, ho lwwjinl larl gooma bv.’ ”

⁶Hoggab dou-caga-haaga hoqgv ma hoo nyoro lvpa hoqgv haama dvn,

⁷hvbmabde Pwnbov su pw-hwwl, akin akob hoo akin aob mwi-mvca dvn.

⁸Hoggab At Swg alaqtv pvtaq taqg doodo, vcjaq mviyonam opo poodwq xupiq-tviyiq xuca bo, hoo mwv hoqgv toolin jido, hoo swcw soqg nyicbo mwlwngv ham twwkiq-twwmal biuxab tayin.

⁹Hvbmabde, ngo nwrba gob ham goobwq tayin; ngo bemin bel, Jakubg Pwnbon paqtayin.

¹⁰Nyic bog ator mwlwngam ngo mvpaq xaatayin, hvbmabde jvqtw bo ator tulungam aob mvca tayin.