Read Nyishi MWMIN NWSWR 83 Bible Online

MWMIN NWSWR 83 - Nyishi bible

MWMIN NWSWR 83

¹Pwnboa, jimy-jemab doomabv; Pwnboa, noqg swrsongam nootu apmabv ho cooikab doomabv!

²Hoggab kaato, noqg ceebio tulungv hur-matab nyido; ho nam ceebio baqnbov bulug dumpongv nywrab do.

³Bulv surjaqb mwwnv noqg nyiilungam ceeko do; bulv lvkin gob hwwbamnv noqg tumanam akam ceeko do.

⁴Bulv bedo, “Hookumto, kuj ngul bulug nyob sam twryum tuj; Israelwg eminam sam lokam mwwpa mvma dvb mvtuj.”

⁵Hoggab bulv hwwsnv maqkin gob nam; ceeko dvb bulv pvvb mwrnam

⁶Idomv Ismaiyel nyiilungv doogwngv, Moabv Hagrait nyi tulungv,

⁷Gebal hoo Ammon hoo Amalek, Palistiya lvgab Taiyarho doonbo tulungv;

⁸Assur ngvkam bulam nyimin gvnum; bulv laqpo atorbo Lotwg ko tulungv.

⁹No Mediyanam hoggub nyinam hvbjaq bulam nyito, Kison pobu ho Siseranvn la Jabinnvn nyito,

¹⁰hiyam In-dor ho twrmnum, hiyv kedig diix gob nyiknum.

¹¹Bulug xinam nyi tulungam Oreb la Jeebnvn mvnam hvb mvto, bulug lvpw atwg ko tuup mwlwngv Jeba la Jalmunna hvb nyido,

¹²hiyv benum, “Kuj ngulv Pwnbog sibin-svv dukumko nyookam ngul gab naatuj.”

¹³Ngoqg Pwnboa, bulam cwkeq-lemeq dooi yinam diimwr hvb mvto, dooi yiga lo amp hvb mvto.

¹⁴Nyorongam wmv gutwrnam hvb, gvda puutu mwlwngam wm moily tolwqnam hvb,

¹⁵ho noqg dot dooi lvgab bulam ruqmin gvi nvpv hoo noqg svt iss lvgab bulam vcjaqb bos mvmto!

¹⁶At Swa, bulug nyuqm mam hvnyw moolw mvmto, ho bulv noqg eminam meegaq kamyi nvpv.

¹⁷Bulam nwrba gob hvnyw moolwl hoo hentwr kaanyiam haamto; kv bulam hvnyw ho yuupaq mvto.

¹⁸Swcw nvg mwlw aoso, hiyvg eminv, At Swv no akin twq hvl, bulam cengmto.